Сохтакорон шиносномаи қалбакии муоинаи техникии нақлиётро бо арзиши 500 сомонӣ мефурӯхтаанд

Сентябрь 8, 2020 09:00

ДУШАНБЕ, 08.09.2020 /АМИТ «Ховар»/.  Кормандони шуъбачаи муоинаи техникии Шуъбаи Бозрасии Давлатии Автомобилии вилояти Суғд маълумоти дорои моҳияти фавриро дар хусуси сохтакорӣ кардани шиносномаи муоинаи техникии нақлиёт аз ҷониби ду нафар сокини Ҷамоати деҳоти Хистеварзи ноҳияи Бобоҷон Ғафуров- шаҳрвандон Маҳкамов Парвиз Аҳмадалиевич, соли таваллудаш 1996 ва Кенҷаев Дадочон Домуллоевич, соли таваллудаш 1988 ба кормандони фаврии ШКҶ Раёсати ВКД дар вилояти Суғд вогузоштанд. Он дар натиҷаи коркардҳои фаврӣ тасдиқ ёфт ва предметҳое, ки ба воситаи онҳо ҳуҷҷат сохтакорӣ мешуд, мусодира гардид.

Дар ин бора аз Вазорати корҳои дохилии ҷумҳурӣ ба АМИТ «Ховар» хабар доданд.

Гумонбарон бо истифода аз таҷҳизоти компютерӣ ҳуҷҷатҳои кафолатдиҳанда вобаста ба ҳолати техникии нақлиёт, аз ҷумла шиносномаи муоинаи техникиро сохтакорӣ карда, аз фурӯши он маблағи пулӣ ба даст меовардаанд.

Зимни бурдани чорабиниҳои фаврию тафтишотӣ муайян карда шуд, ки Парвиз Махкамови барномасоз омода сохтани ҳуҷҷатҳои қалбакиро ба уҳда дошта, шарики ҷиноятии ӯ Дадоҷон Кенҷаев ронандагони аз ҳамин гуна хизматрасонии ғайриқонунӣ истифодабарандаро роҳнамоӣ карда, мизоҷ ҷамъ мекардааст.

Онҳо ҳар як шиносномаи қалбакиро бо арзиши 500 сомонӣ мефурӯхтаанд.
Бо ин кирдори содирнамуда гумонбаршудаҳо меъёрҳои дар моддаи 340 Кодекси ҷиноятии Ҷумҳурии Тоҷикистон муқарраршударо вайрон кардаанд. Барои содир намудани чунин амали ҷиноятӣ ба онҳо ҷавобгарии ҷиноятӣ таҳдид мекунад.

 

Сентябрь 8, 2020 09:00

Хабарҳои дигари ин бахш

ОБУ ҲАВО: Имрӯз дар вилояти Хатлон ҳарорат ба 21+26 дараҷа мерасад
COVID-19. Дар Тоҷикистон 89,8%-и гирифторони коронавируси нав шифо ёфтанд
«БАЧАИ ОБӢ». Ба муносибати 90-умин солгарди «Тоҷикфилм» 16 октябр нахустнамоиши ин филми ҳунарӣ баргузор мешавад
«Прокуратураи Суғд, қариб 200 миллион сомонӣ зарар барқарор шуд», «Меҳргон, ҷашне пур аз файзу сахо»,- шарҳи матбуоти даврии Тоҷикистон
«Мактаб-интернати тамоюли варзишии ба номи Иброҳим Ҳасанов» баъд аз таъмир мавриди истифода қарор дода шуд
ОБУ ҲАВО: Имрӯз дар Тоҷикистон ҳавои бебориш дар назар аст
ХАБАРИ ФАВРӢ! Дар Тоҷикистон 39 ҳолати нави сирояти COVID-19 ба қайд гирифта шуд
ОБУ ҲАВО: Имрӯз дар Тоҷикистон ҳаво тағйирёбанда ва камабри бебориш мешавад
Маркази барномаҳои байналмилалӣ: ҳуҷҷатсупорӣ барои бурсияҳои таҳсилии Қирғизистон оғоз гардид
ОБУ ҲАВО: Имрӯз дар Тоҷикистон ҳаво 18+23 дараҷа гарм мешавад
ОБУ ҲАВО: Имрӯз дар Тоҷикистон ҳаво тағйирёбанда ва камабр мешавад
COVID-19. Дар Тоҷикистон шумораи гирифторони коронавируси нав ба 10222 нафар расид

Хабарҳои муҳимтарин