Пагоҳ дар Душанбе Конфронси 7-уми байналмилалии «Масъалаҳои муосири физика» оғоз мегардад

Октябрь 8, 2020 09:33

ДУШАНБЕ, 08.10.2020 /АМИТ «Ховар»/. Пагоҳ, 9 октябр дар Институти физикаю техникаи ба номи С. Умарови Академияи миллии илмҳои Тоҷикистон Конфронси 7-уми  байналмилалии «Масъалаҳои муосири физика» доир гардида, дар он муҳокимаи зиёда аз 100 маърӯзаи илмӣ ба нақша гирифта шудааст. Беш аз 30-тои онҳо аз пажӯҳишгоҳҳо ва институтҳои кишварҳои узви ИДМ, ИМА ворид шудаанд. Маърӯзаҳои воридшуда ба масъалаҳои физикаи плазма, физикаи нимноқилҳо, физикаи назариявӣ, мониторинги радиатсионии маҳал, таҳлили маҳсулоти хӯрокворӣ барои муайян намудани мавҷудияти унсурҳои зараровар, тағирёбии иқлим, коркарди маводи нанокомпозитӣ, манбаъҳои барқароршаванда ва ғайримаъмулии неруи барқ, булӯршиносӣ, уфунати коронавируси нави COVID-19, физикаи ноқилҳои фавқулода ва ғайра бахшида шудаанд.

Дар ин бора ба хабарнигори АМИТ «Ховар» директори Институти  мазкур Фарҳод Шокир иттилоъ дода, зикр намуд, ки бо дарназардошти таъсири ҷаҳонии пандемияи COVID-19 аз тарафи кумитаи илмӣ ва ташкилӣ дар кори он баъзе тағйирот, аз ҷумла низомҳои фосилавӣ барои рӯнамоиҳо ва мубоҳисаҳо ворид карда шудаанд.

Бино ба гуфтаи директори Институти физикаю техника Фарҳод Шокир, дар Кумитаи тадорукоти конфронс беш аз 40 нафар олимон ва мутахассисон, аз ҷумла намояндагони Британияи Кабир, Исроил, Қазоқистон, Россия ИМА, Туркия, Ӯзбекистон, Украина ва дигар кишварҳо шомил мебошанд.

“Сарфи назар аз маҳдудияти вобаста ба пандемия, мо бояд аз тамоми имконот  ҷиҳати таъмини фаъолияти муттасили илмӣ-тадқиқотӣ истифода намоем. Бо сабаби вазъияти мавҷуда, мо натавонистем олимони кишварҳои узви ИДМ, ИМА, Аврупо, инчунин Чин ва Японияро даъват кунем, аммо масоили илмӣ ва дурнамои ҳамкорӣ бо ширкати олимони хориҷӣ дар шакли онлайн муҳокима хоҳад шуд”,-афзуд номбурда.

Конфронси байналмилалӣ тайи ду рӯз идома меёбад.

Чунин конфронс аз соли 2008 инҷониб дар ду сол як маротиба доир мешавад.

Октябрь 8, 2020 09:33

Хабарҳои дигари ин бахш

Даври ниҳоии озмуни «Фурӯғи субҳи доноӣ китоб аст» аз 7 то 15 декабр дар Душанбе доир мегардад
Филми мустанади «Бозгашт» рӯзҳои наздик манзури тамошобинон мегардад
Дар Институти иқтисодиёт ва демографияи АМИТ Маркази мукаммали таълимӣ таъсис ёфт
«Такмили мазмуну мундариҷа ва муҳтавои китобҳои дарсӣ дар ҳошияи роҳнамоиҳои Пешвои миллат»-таҳти чунин унвон семинари илмию машваратӣ доир гардид
Ӯзбекистон филми «Ду ҳазор суруди Фарида»-ро ба ҷоизаи «Оскар» пешбарӣ намуд
Даргузашти шоир Сафар Аюбзода
ИМРӮЗ — РӮЗИ УМУМИҶАҲОНИИ ТЕЛЕВИЗИОН. Соли 1959 ягона телевизиони кишвар ҳамагӣ 54 нафар корманд дошт, ҳоло танҳо дар шабакаи телевизионии «Тоҷикистон» беш аз 200 нафар мутахассисон ба фаъолият машғуланд
«ШОИРЕРО ОФАРИДАН КОРИ ЯК САДСОЛАЕСТ…». 20 ноябр – зодрӯзи устод Бозор Собир
«Мактаби таҷриба»-ҳо бо иштироки нахустин наттоқи тоҷик доир гардид
Вазири фарҳанги Тоҷикистон дар ҷаласаи 35-уми Шӯрои ҳамкории фарҳангии кишварҳои узви ИДМ ширкат варзид
Дар кӯчаҳои шаҳру ноҳияҳои Хатлон дӯконҳои нави рӯзномафурӯшӣ пайдо мешаванд
«Формулаи сулҳ — нодиртарин дастоварде, ки Тоҷикистонро обрӯи байналмилалӣ бахшид»,-шарҳи матбуоти даврӣ