ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкорони шаҳри Левакант 11 километр роҳро навсозӣ ва мумфарш намуданд

Октябрь 9, 2020 09:18

ДУШАНБЕ, 09.10.2020 /АМИТ «Ховар»/. Бахшида ба ҷашни 30-солагии Истиқлоли давлатии Ҷумҳурии Тоҷикистон  дар деҳаи Зағертути Ҷамоати деҳоти Ваҳдати шаҳри Левакант  аз ҷониби соҳибкорони ватанӣ 11 километр роҳи мошингузар бо харҷи  3 миллиону 300 ҳазор сомонӣ бунёду навсозӣ гардид. Ҳамчунин ба ин муносибат як гурӯҳ сокинони деҳаи Хуррамдеҳи шаҳри мазкур низ  бо ҷалби маблағҳои худӣ ва саҳми соҳибкорон тасмим гирифтаанд, ки роҳи дохилидеҳавиро ба масофаи 4 км мумфарш намоянд.

Тавре ба хабарнигори АМИТ «Ховар»  аз  шуъбаи иттилоотию таҳлилии дастгоҳи раиси вилояти Хатлон иттилоъ доданд, сохтмони роҳ 1 июли соли равон оғоз гардида, моҳи октябр анҷом ёфт. Ба бунёди роҳ 7 адад техникаи Муассисаи давлатии роҳҳои мошингарди шаҳри Левакант сафарбар гардида, 5 қубур ва 1 пул навсозӣ гардид. Ҳамзамон ба дарозии тамоми масофаи 11 км роҳи мумфаршгардида хатҳои уфуқӣ кашида шуданд.

Дар ифтитоҳи роҳи навбунёд раиси вилояти Хатлон Қурбон Ҳакимзода, раиси Палатаи ҳисоби Ҷумҳурии Тоҷикистон Қарахон Чиллазода, намояндагони мақомоти иҷроияи ҳокимияти давлати шаҳри Левакант ва сокинон иштирок намуданд.

Раиси вилояти Хатлон Қурбон Ҳакимзода ба соҳибкорони ватанӣ оилаи Соҳибовҳо ва алалхусус Шарифзода Маҳмадзариф барои ташаббуси ватандӯстона ва анҷоми кори хайр аз номи мақомоти иҷроияи ҳокимияти давлатии вилояти Хатлон изҳори сипос намуд.

Имрӯзҳо бо ҳиммати соҳибкорони бонангу номус ва фарзандони ватандӯсти деҳоту ноҳия бунёду мумфаршкунии садҳо км роҳҳо идома дорад. Ҳамаи ин бунёдкорию созандагӣ ба хотири ба шаҳр наздик сохтани симои деҳот ва таъмини инфрасохтори зарурӣ дар он мебошад.

Октябрь 9, 2020 09:18

Хабарҳои дигари ин бахш

ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҳисор 375 иншооти ҷашнӣ мавриди истифода қарор гирифтанд
Пешвои миллат Эмомалӣ Раҳмон бинои 10-ошёнаи истиқоматиро бо коргоҳи дӯзандагӣ ва маркази савдою хизматрасонӣ дар шаҳри Ваҳдат ифтитоҳ намуданд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ёвон бо дарозии 64 метр ва иқтидори 80 тонна пули дорои аҳамияти стратегӣ ба истифода дода мешавад
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Парки миллии мамлакат, воқеъ дар ноҳияи Сангвор 102 иншоот бунёд мешаванд
Дар Исфара сохтмони аломати рамзии даромадгоҳи шаҳр оғоз шуд
Пешвои миллат Эмомалӣ Раҳмон гулгашт ва муҷассамаи Шоҳ Исмоили Сомониро дар ноҳияи Рӯдакӣ ифтитоҳ намуданд
Президенти мамлакат Эмомалӣ Раҳмон Маркази савдою хизматрасонии «Давлати Зафар»-ро дар ноҳияи Рӯдакӣ мавриди истифода қарор доданд
Ифтитоҳи Муассисаи таҳсилоти томактабии «Офтобак» дар ноҳияи Рӯдакӣ бо иштироки Президенти мамлакат Эмомалӣ Раҳмон
Сарвари давлат Эмомалӣ Раҳмон гармхонаи замонавии Хоҷагии деҳқонии «Отаҷон»-ро дар ноҳияи Рӯдакӣ ифтитоҳ намуданд
Пешвои миллат Эмомалӣ Раҳмон Муассисаи таҳсилоти томактабӣ ва Гимназияи хусусии «Ҳиммат»-ро дар ноҳияи Рӯдакӣ мавриди истифода қарор доданд
Пешвои миллат Эмомалӣ Раҳмон боғи фарҳангӣ-фароғатии шоҳ Исмоили Сомониро дар ноҳияи Шаҳринав ифтитоҳ намуданд
Президенти мамлакат Эмомалӣ Раҳмон бинои маъмурии Кумитаи иҷроияи Ҳизби Халқии Демократии Тоҷикистонро дар ноҳияи Шаҳринав мавриди истифода қарор доданд