Ҷаласаи нуздаҳуми вазирони давлатҳои аъзои СҲШ баргузор гардид
ДУШАНБЕ, 29.10.2020 /АМИТ «Ховар»/. Дирӯз бо иштироки муовини Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода ҷаласаи нуздаҳуми вазирони давлатҳои аъзои Созмони Ҳамкории Шанхай (СҲШ), масъули фаъолияти иқтисодии хориҷӣ ва савдои беруна дар шакли видеоконфронс баргузор гардид.
Дар ҷаласа таваҷҷуҳи асосӣ ба вазифаҳои афзалиятноки рушди СҲШ бо мақсади рафъи оқибатҳои иҷтимоӣ, тиҷоратӣ ва иқтисодии пандемияи коронавируси COVID-19, пешгирии таъсири манфии он ба амният ва суботи минтақавӣ ва ҷаҳонӣ равона карда шуд.
Абдураҳмон Абдураҳмонзода зикр кард, ки тадбирҳои андешидаи Ҳукумати мамлакат дар самти кам кардани паёмадҳои манфии пандемияи коронавирус ба иқтисоди миллӣ натиҷабахш мебошанд. Таҳлилҳо нишон медиҳанд, ки бо назардошти сари вақт роҳандозии чораҳои зиддибуҳронӣ рушди иқтисоди миллӣ дар нуҳ моҳи соли 2020 ба 4,2 фоиз баробар шуд.
Дар ҷараёни ҷаласа роҳбарони ҳайатҳо доираи васеи масъалаҳои рушди минбаъдаи ҳамкории минтақавии иқтисодиро баррасӣ карда, аз ҷумла оид ба ҳолат ва дурнамои ҳамкории тиҷоратӣ, иқтисоди рақамӣ ва сармоягузорӣ дар фазои СҲШ мубодилаи афкор намуданд.
Инчунин иштирокчиёни ҷаласа аҳамияти ҳамкориро дар соҳаҳои тиҷорат, сармоягузорӣ, нақлиёт ва логистика, туризм, кишоварзӣ, саноат, энергетика ва технологияҳои иттилоотӣ таъкид намуданд.
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
