Хатлон ба хориҷи мамлакат беш аз 100 ҳазор тонна маҳсулоти кишоварзӣ содирот намудааст
ДУШАНБЕ, 13.10.2020 /АМИТ «Ховар»/. Дар нуҳ моҳи соли равон аз вилояти Хатлон ба давлатҳои Россия, Қазоқистон, Қирғизистон, Литва, Афғонистон, Покистон, Туркия, Ироқ, Амороти Муттаҳидаи Араб ва дигар мамлакатҳо беш аз 100 ҳазор тонна маҳсулоти кишоварзӣ, аз ҷумла сабзавоту мевагӣ ва полезиҳо содирот шудаанд.
Дар ин бора хабарнигори АМИТ «Ховар» бо истинод ба шуъбаи иттилоотию таҳлилии дастгоҳи раиси вилояти Хатлон иттилоъ медиҳад.
Мудири бахши намояндагии Агентии содироти назди Ҳукумати Ҷумҳурии Тоҷикистон дар вилояти Хатлон Шарофиддин Асомиддинзода иброз дошт, ки дурнамои содироти маҳсулоти кишоварзӣ дар вилояти Хатлон беш аз 115 дарсад иҷро гардид. Маҳсулоти содиргардида нисбат ба ҳамин давраи соли гузашта 14 246 тонна бештар аст.
Шарофиддин Асомиддинзода зикр намуд, ки имсол дар вилоят ҳосили фаровони пиёз ва дигар анвои сабзавоту мевагиҳо ҷамъоварӣ гардид. Ба хориҷи мамлакат асосан 92 867 тонна пиёз, 3723 тонна мева ва лимӯ, 2744 тонна ангур, 60 тонна полезӣ, 60 тонна каду ва 1443 тонна дигар анвои маҳсулот содирот шудааст.
Ёдовар мешавем, ки иҷрои дурнамои содиротро шаҳри Бохтар 193 фоиз, ноҳияҳои Ҷайҳун 135 фоиз ва Дӯстӣ 114 фоиз таъмин намуданд.
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
