Мулоқоти Маҳмадтоир Зокирзода бо нозирони байналмилаллӣ

Октябрь 10, 2020 13:54

ДУШАНБЕ, 10.10.2020 /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳрии Тоҷикистон Маҳмадтоир Зокирзода бо гурӯҳи нозирони Ассамблеяи байнипарлумонии кишварҳои Иттиҳоди Давлатҳои Мустақил, ки таҳти роҳбарии Олег Мелниченко, ҷиҳати назорат аз рафти баргузории интихоботи  Президенти Ҷумҳурии Тоҷикистон ба Тоҷикистон омадаанд, мулоқот намуд. Дар ин бора аз Маҷлиси намояндагони Маҷлиси Олии Ҷумҳурии Тоҷикистон ба АМИТ «Ховар» хабар доданд.

Дар мулоқот ҷонибҳо масоили интихоботи Президенти Ҷумҳурии Тоҷикистон, имкониятҳои аҳзоби сиёсӣ, нақшаву барномаҳои пешазинтихоботӣ, баробарии имкониятҳои таблиғотии ҳизбҳо, истифодаи васоити иттилоотии давлатӣ, раванди корҳои омодагӣ  ҷиҳати баргузории чорабинии муҳими сиёсӣ ва дигар масъалаҳои мубрами  рӯзро мавриди муҳокима қарор доданд.

Маҳмадтоир Зокирзода таъкид намуд, ки аӣни замон участкаҳои интихоботӣ дар ҳамаи минтақаҳои ҷумҳурӣ барои баргузории интихоботи Президенти Ҷумҳурии Тоҷикистон омода мебошанд.

Ҳамчунин бо мақсади мушоҳидаи интихобот, гузаронидани он дар шароити шаффоф ва ошкоро мушоҳидони байналмилалӣ ба Ҷумҳурии Тоҷикистон даъват шудаанд.

Дар интиҳои мулоқот таъкид гардид, ки интихоботи Президенти Ҷумҳурии  Тоҷикистон дар фазои озод, шаффоф, демократӣ ва бо иштироки васеи интихобкунандагон баргузор мегардад.

Бино ба маълмоти Комиссияи марказии интихобот ва раъӣпурсӣ (КМИР) то имрӯз дар Ҷумҳурии Тоҷикистон 258 нафар намояндагони ВАО ва 122 нафар мушоҳидони баӣналмилалӣ аз Иттиҳоди Давлатҳои Мстақил, Созмони Ҳамкории Шанхаӣ, Созмони амният ва ҳамкорӣ дар Аврупо, кишварҳои Россия, Беларус, Қазоқистон  ва якчанд сафоратхонаҳои муқими Душанбе номнавис (аккредитатсия) шудаанд.

Октябрь 10, 2020 13:54

Хабарҳои дигари ин бахш

Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид