Судяҳои минтақаи Аврупои Шарқӣ ва Осиёи Марказӣ масъалаҳои марбут ба ВНМО, ҳуқуқи инсон ва қонунгузориро баррасӣ намуданд

Октябрь 15, 2020 14:56

ДУШАНБЕ, 15.10.2020/АМИТ «Ховар»/. Тибқи маълумоти Созмони умумиҷаҳонии тандурустӣ  дар ҷаҳон беш аз  35 миллион  нафар шахсон бо Вируси норасоии масунияти одам  (ВНМО) расман ба қайд гирифта шудаанд. Ин нукта дар  ҷаласаи дуюми Форуми судяҳои  минтақаи Аврупои  Шарқӣ ва Осиёи  Марказӣ оид ба Вируси норасоии масунияти одам, ҳуқуқи инсон ва қонунгузорӣ, ки имрӯз дар Душанбе тариқи онлайн гузаронида шуд, зикр гардид.

Хабарнигори АМИТ «Ховар» иттилоъ медиҳад, ки Форум аз ҷониби Суди Олӣ бо дастгирии Ҳукумати Ҷумҳурии Тоҷикистон  дар доираи ҳамкорӣ бо Барномаи Рушди Созмони Милали Муттаҳид  дар Тоҷикистон созмон дода шуд.

Дар Форум судяҳои Суди Олӣ, судяҳои вилоятҳо, шаҳру ноҳияҳо, аъзои Комиссияи глобалӣ оид ба Вируси норасоии масунияти одам ва қонунгузорӣ, судяҳои  минтақаи Аврупои Шарқӣ ва Осиёи Марказӣ, коршиносони соҳаи тандурустӣ, намояндагони Барномаи рушди СММ, Барномаи муштараки СММ оид ба бемории пайдошудаи  норасоии масуният   ва Созмони  умумиҷаҳонии тандурустӣ иштирок намуданд.

Зикр шуд, ки Ҷумҳурии Тоҷикистон  ба Эъломияи  соли 2001 оид ба мубориза  бар зидди Вируси  норасоии  масунияти   одам ва бемории пайдошудаи  норасоии  масуният, инчунин  ба Эъломияи  сисёсии соли 2016  оид ба Вируси норасоии масуният ҳамроҳ шуд ва дар доираи ин ҳуҷҷатҳо  чораҳои  зарурӣ ҳуқуқӣ, моддию техникӣ  ва тиббиро амалӣ гардонида истодааст.

Бо Қарори Ҳукумати Ҷумҳурии Тоҷикистон  аз 25 феврали соли  2017 Барномаи миллии мубориза  бо эпидемияи Вируси норасоии масунияти одам дар Ҷумҳурии Тоҷикистон барои солҳои 2017-2020 қабул гардид, ки дар он яке аз ҳадафҳои   стратегӣ- фароҳам овардани шароити  мусоид барои  муолиҷаи  нафарони гирифтори  Вируси норасоии масунияти одам ва мубориза бо табъиз, аз ҷумла ислоҳоти  ҳуқуқӣ дарҷ гардидааст.

Фаъолияти мақомоти судӣ  ба қабули қарорҳои  қонунӣ ва асоснок равона шудааст, ки бевосита ба ҳифз ва таъмини ҳуқуқҳои шахсони мубталои  Вируси норасоии масунияти одам  мусоидат менамояд.

Дар Форум  маълумоти  охирини  илмӣ-тиббӣ ва эпидемиологӣ, дастурҳои байналмилалӣ ва минтақавӣ, меъёрҳои дахлдори  ҳуқуқӣ  дар сатҳи  миллӣ, минтақавӣ ва байналмилалие, ки  дар ин самт қабул шудаанд, инчунин таҷрибаи судӣ баррасӣ гардиданд.

Форуми минтақавии судяҳои  Аврупои Шарқӣ ва Осиёи  Марказӣ  то 16 октябр идома ёфта, дар он қадамҳои минбаъда оид ба гузаронидани ҷаласаи  навбатии Форум  ва ташкили мубодилаи доимии иттилоот, таҷриба ва дониш баррасӣ мегардад.

Октябрь 15, 2020 14:56

Хабарҳои дигари ин бахш

Натиҷаҳои пешакии барӯйхатгирии аҳолӣ ва фонди манзил дар шашмоҳаи дуюми соли равон ҷамъбаст мешаванд
Вазорати меҳнат пешниҳоди баланд бардоштани синни баромадан ба нафақаро дастгирӣ накард. Чаро? Роҳбари ин ниҳод Ширин Амонзода шарҳ медиҳад
Ба раванди таълим нафарони ғайриихтисос низ ҷалб шудаанд,-бардошт аз нишасти матбуотӣ
Ба хотири рушди фаъолияти соҳибкории занон 80 лоиҳаи мақсаднок дастгирӣ ёфт
Пагоҳ Кумитаи андоз, Хадамоти гумрук, Агентии омор, Агентии хизмати давлатӣ нишасти матбуотӣ баргузор менамоянд
Дар ноҳияи Лахш сели пиряхӣ ба амал омад
Пагоҳ Кумитаи забон ва истилоҳот, Кумитаи кор бо занон ва оила, Агентии назорат дар соҳаи маориф ва илм, Мақомоти шаҳри Душанбе, ШСХК «Барқи Тоҷик» нишасти матбуотӣ баргузор менамоянд
Имрӯз Вазорати саноат ва технологияҳои нав, Вазорати меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, Кумитаи кор бо ҷавонон ва варзиш нишасти матбуотӣ баргузор менамоянд
Дар заминаи Академияи идоракунии давлатӣ магистратураи «Мактаби давлатдории Эмомалӣ Раҳмон» таъсис дода шуд
Бахшида ба 30-солагии Истиқлоли давлатӣ Атласи пиряхҳои Тоҷикистон ва гиёҳҳои шифобахши он ба нашр мерасад
Пагоҳ Вазорати саноат ва технологияҳои нав, Вазорати меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, Кумитаи кор бо ҷавонон ва варзиш нишасти матбуотӣ баргузор менамоянд
Имрӯз Вазорати корҳои хориҷӣ, Агентии авиатсияи гражданӣ, Академияи миллии илмҳо, КВД «Хоҷагии манзилию коммуналӣ» нишасти матбуотӣ баргузор менамоянд

Маводҳои таҳлилӣ