Вазири кишоварзии Тоҷикистон дар ҷаласаи 5-уми вазирони кишварҳои узви СҲШ оид ба соҳаи кишоварзӣ иштирок намуд
ДУШАНБЕ, 22.10.2020 /АМИТ «Ховар»/. 21 октябр ҷаласаи 5-уми вазирони кишварҳои узви Созмони Ҳамкории Шанхай (СҲШ) оид ба соҳаи кишоварзӣ тариқи онлайн доир гардид, ки дар он Вазири кишоварзии Ҷумҳурии Тоҷикистон Амонулло Салимзода иштирок намуд.
Тавре аз Вазорати кишоварзии мамлакат ба АМИТ “Ховар” иттилоъ доданд, дар ҷаласаи мазкур вазири кишоварзии Федератсияи Россия, вазири кишоварзӣ ва некӯаҳволии деҳқонони Ҷумҳурии Ҳиндустон, вазири кишоварзии Ҷумҳурии Қазоқистон, муовини вазири кишоварзии Ҷумҳурии Мардумии Чин, вазири кишоварзӣ, саноати хӯрокворӣ ва мелиоратсияи Ҷумҳурии Қирғизистон, вазири амнияти миллии озуқаворӣ ва таҳқиқоти Ҷумҳурии Исломии Покистон, вазири кишоварзии Ҷумҳурии Ӯзбекистон, муовини дабири кулли Созмони ҳамкории Шанхай Шералӣ Сайдамир, муовини директори генералии Ташкилоти озуқаворӣ ва кишоварзии Созмони Милали Муттаҳид (FAO) — Намояндаи минтақавии ФАО дар Аврупо ва Осиёи Марказӣ Владимир Олегович Рахманин иштирок намуданд.
Дар ҷаласа доир ба таъсири пандемияи коронавируси Covid-19 ба соҳаи кишоварзӣ ва истеҳсоли хӯрокворӣ мубодилаи афкор сурат гирифт. Дар ин робита аз ҷониби вазирон оид ба соҳаҳои умедбахши ҳамкорӣ дар соҳаи кишоварзӣ дар платформаи СҲШ пешниҳодҳо манзур шуд.
Бо дарназардошти Оинномаи СҲШ соли 2002, Созишномаи байни ҳукуматҳои кишварҳои узви СҲШ дар бораи ҳамкорӣ дар соҳаи кишоварзӣ дар соли 2010 ва дигар ҳуҷҷатҳо ҷонибҳо ба мувофиқа расиданд, ки ба рушди ҳамаҷонибаи ҳамкорӣ дар соҳаи кишоварзӣ мусоидат намоянд.
Дар охир сарони ҳайатҳо нақшаи чорабиниҳоро барои солҳои 2021-2025 тасдиқ намуданд, ки он дар бораи иҷрои Созишнома байни ҳукуматҳои кишварҳои узви СҲШ оид ба ҳамкорӣ дар соҳаи кишоварзӣ мебошад.
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
