Ҳавои номусоиди боронӣ дар Тоҷикистон то 15 ноябр идома меёбад
ДУШАНБЕ, 13.11.2020 /АМИТ «Ховар»/. Ҳавои номусоид ва бориши борон то 15 ноябр дар қаламрави Тоҷикистон идома ёфта, дар баландкӯҳҳо, махсусан дар баландиҳои зиёда аз 1200 метр борон ба барфи тар табдил меёбад. Дар ин бора аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» хабар доданд.
Шабонарӯзи наздик эҳтимол дорад, ки бориши шиддатнок дар минтақаҳои кӯҳӣ ва доманакӯҳии ноҳияҳои тобеи марказ сабаби ба вуҷуд омадани сел гардад.
Аз ин рӯ Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба сокинон тавсия медиҳад, ки худро аз сардиҳо ва сироятёбӣ аз ҳар гуна бемориҳо ҳифз намуда, либоси гарм пӯшанд. Инчунин дар ин рӯзҳо ҳангоми истифода аз роҳҳои кӯҳӣ ҳушёр бошанд. Хусусан ронандагон бо ҷиддият муносибат намуда, қоидаҳои ҳаракат дар роҳро пурра риоя намоянд.
Кумитаи ҳолатҳои фавқулода ҳушдор медиҳад, ки барфи таре, ки дар ноҳияҳои кӯҳӣ дар назар дошта шудааст, метавонад ба симчӯбҳои интиқоли барқи роҳҳо таъсир расонад ва дар баъзе минтақаҳо эҳтимоли канда шудани хатҳои баландшиддати барқ вуҷуд дорад. Аз ин хотир аз шаҳрвандон хоҳиш карда мешавад, ки ҳангоми ҳаракат дар роҳҳои кӯҳӣ боэҳтиёт бошанд.
Фаъолияти Кумитаи иҷроияи Ҳизби Халқии Демократии Тоҷикистон дар вилояти Хатлон ва сохторҳои ҳизбии он назаррас арзёбӣ гардид
Дар тамоми ноҳияҳои Тоҷикистон пойгоҳҳои базавии нави 4G насб карда мешаванд
Шумораи бар асари тӯфони «Раи» ҳалокшудагон дар Филиппин ба 169 нафар расид
ҲУШДОР АЗ БОРОНҲОИ БОШИДДАТ ВА СЕЛ. Имрӯз дар баъзе ноҳияҳои Тоҷикистон борони бошиддат меборад
Дар ҷануби Чин тақрибан 110 ҳазор нафар аз сабаби бориши шадид ба ҷойи бехавф бурда шуданд
Сарфакорона истифода бурдани неруи барқ воситаи хеле муҳими таъминоти пурра бо барқ аст
Ширкати МегаФон Тоҷикистон бахшида ба Рӯзи пойтахти Тоҷикистон — Душанбе туҳфа намуд
Бар асари бархӯрди чархболҳо дар Малайзия 10 нафар ба ҳалокат расид
Гули шукуфта рамзи Соли ҳаракати ихтиёриёни ИДМ гардид
Дар партави Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф конференсияи илмӣ-амалӣ гузаронида шуд
Корхонаи бофандагии «Пиллаи тоҷик» аз абрешим атласу адраси аълосифат истеҳсол менамояд
Гурӯҳҳои корӣ дар ноҳияи Варзоб ба сокинони ҷамоатҳои шаҳраку деҳот иҷрои қонунҳои миллиро мефаҳмонанд
