Боғи фарҳанги шаҳри Турсунзода тибқи талаботи шаҳрсозию меъморӣ навсозӣ мегардад
ТУРСУНЗОДА, 11.11.2020 /АМИТ «Ховар»/. Бо мақсади дар сатҳи баланд пешвоз гирифтани 30-солагии Истиқлоли давлатии Ҷумҳурии Тоҷикистон дар шаҳри Турсунзода таҷдиду навсозӣ ва сохтмони иншооти гуногун муташаккилона идома дорад. Аз ҷумла, Боғи фарҳангию фароғатии шаҳр яке аз иншооти ҷашнӣ маҳсуб мегардад, ки имрӯзҳо корҳои навсозии он бо сифати баланд идома доранд.
Сардори шуъбаи меъморӣ ва шаҳрсозии шаҳри Турсунзода Файзулло Раҳимов иттилоъ дод, ки навсозии боғи фарҳангию фароғатӣ тибқи лоиҳа ва бо риояи талаботи меъморию шаҳрсозӣ амалӣ шуда, сохтмончиён таҷдиди хатҳои интиқоли барқ ва қубурҳои обгузарро ба итмом расонидаанд. Корҳо дар самти бетонрезии фаввораҳо, ҷӯйборҳо, ҳамвор намудани роҳравҳо ва омодасозии сутунпояҳо барои чароғонкунии боғ дар авҷанд.
Дар шаҳри Турсунзода бахшида ба ҷашни миллӣ сохтмони зиёда аз 367 иншооти дорои аҳамияти ҷамъиятиву ҷумҳуриявӣ ба нақша гирифта шудааст. То имрӯз зиёда 190 иншоот, аз ҷумла сардхонаҳо, майдонҳои варзишӣ, марказҳои саломатӣ, бунгоҳҳои тиббӣ, коргоҳҳои дӯзандагӣ, кошонаҳои ҳусн, коргоҳҳои истеҳсолӣ ва ҳаммомҳои замонавӣ мавриди баҳрабардорӣ қарор гирифтаанд.
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
