«Чандрасонаӣ дар ВАО-и муосир»-машғулияти омӯзишӣ барои намояндагони ВАО

Ноябрь 22, 2020 09:03

ДУШАНБЕ, 22.11.2020 /АМИТ «Ховар»/. Беш аз даҳ нафар кормандони ВАО-и Тоҷикистон зарфи чор рӯз дар машғулияти омӯзишии  «Чандрасонаӣ дар ВАО-и муосир», ки бо ташаббуси Муассисаи давлатии «Академияи ВАО-и Тоҷикистон» ташкил гардид, ба омӯзиш фаро гирифта шуданд.

Зимни машғулият шунавандагон ба таври амалӣ ва назариявӣ бо интихоби мавзӯъ ва барномаҳои махсусе, ки барои гирифтани расм ва банду басти маводи чандрасонаӣ истифода мешаванд, шинос гардиданд.

Журналистикаи муосирро бидуни маводи чандрасонаӣ тасаввур кардан ғайриимкон аст, изҳор дошт омӯзгор Хилватшо Хоҷаев. Зеро тавре ба мушоҳида мерасад, феълан дар ВАО-и кишварҳои ҷаҳон бештари мавод ба таври чандрасонаӣ пешниҳод карда мешаванд. Бинобар ин омода кардани матолиб бо шакли чандрасонаӣ талаботи замон аст.

Давоми машғулият кормандони ВАО оид ба омода сохтани маводи чандрасонаӣ маълумот гирифтанд. Омӯзгорон Хилватшо Хоҷаев ва Шаҳноз Комилзода ба таври назариявӣ ва амалӣ иштирокчиёни курси бозомӯзиро бо усулҳои ҷадиди пешниҳоди мавод дар расонаҳои муосир ва ғайра шинос намуданд.

Дар машғулият 16 нафар кормандони нашрияю маҷалла, агентиҳои иттилоотӣ ва радиою телевизион иштирок карданд. Баргузор намудани чунин курсҳои бозомӯзӣ барои тақвият бахшидани дониши  рӯзноманигорон равона гардидааст.

Ноябрь 22, 2020 09:03

Хабарҳои дигари ин бахш

Адҳам Маъмурзода бо фаъолияти шуъбаи бемориҳои сироятии Беморхонаи марказии Истаравшан шинос шуд
Расонидани кумаки ғизоӣ ба ҳайвоноту парандагони мамнӯъгоҳи табиии «Зоркӯл» оғоз гардид
Дар Кӯлоб озмуни «Кадбонуи беҳтарин» доир гардид
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
Кумитаи ҳолатҳои фавқулода ва мудофиаи гражданӣ аз Созмони умумиҷаҳонии тандурустӣ лавозимоти тиббӣ гирифт
«Роҳнамо оид ба ҳамкории милитсия бо ҷомеа».Таҳти ин унвон дар Левакант машварати омӯзишӣ баргузор гардид
ОБУ ҲАВО: Имрӯз дар Тоҷикистон ҳавои тағйирёбанда дар назар аст
Дастаи «Динамо»-и Вазорати корҳои дохилӣ ғолиби мусобиқаҳои ноҳиявию ҷумҳуриявӣ гардид
Дар доираи «16 рӯзи мубориза бар зидди зӯроварии гендерӣ» давраи омӯзишӣ доир мешавад
ОБУ ҲАВО: Имрӯз дар Тоҷикистон барф меборад
Ҷавонони деҳаи Намадгути Ишкошим дар назди мактаби №3 синфхонаҳои иловагӣ бунёд мекунанд
18-19 ноябр дар Тоҷикистон бориши борон ва барф дар назар аст