Дар Душанбе ярмаркаи ҷойҳои кории холӣ ва вазифаҳои озод баргузор мегардад
ДУШАНБЕ, 12.11.2020 /АМИТ «Ховар»/. 13 ноябр дар саҳни бинои Муасисаи давлатии «Сирки давлатии Тоҷикистон», воқеъ дар кӯчаи С.Шерозӣ-16 ярмаркаи ҷойҳои кории холӣ ва вазифаҳои озод баргузор мегардад. Ярмаркаи мазкур аз ҷониби Раёсати Агентии меҳнат ва шуғли аҳолӣ дар шаҳри Душанбе дар якҷогӣ бо Раёсати кор бо ҷавонон ва варзиши шаҳри Душанбе гузаронида мешавад.
Тавре аз Раёсати кор бо ҷавонон ва варзиши шаҳри Душанбе ба АМИТ «Ховар» иттилоъ доданд, дар ярмарка роҳбарон ва шуъбаҳои кадрҳои ташкилоту муассиса, корхонаҳои шаҳри Душанбе ва субъектҳои хоҷагидорие, ки барои фиристодан ба муҳоҷирати меҳнатӣ ба хориҷ аз кишвар аз ҷониби Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон иҷозатнома доранд, даъват карда мешаванд.
Ба шахсоне, ки ихтисос надоранд, барои касб омӯхтан дар Муассисаи давлатии «Маркази таълимии калонсолони Тоҷикистон» ва дигар марказҳои таълимии назди Агентии меҳнат ва шуғли аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон роҳхат дода мешавад.
Оғози ярмарка соати 9:00.
Акс аз бойгонӣ
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
Пагоҳ дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Имрӯз дар шаҳри Душанбе ҳаво то 44 дараҷа гарм мешавад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
