Дар Суғд ғолибони мусобиқаи волейбол байни донишҷӯён муайян шуданд
ДУШАНБЕ, 03.11.2020 /АМИТ «Ховар»/. Бо ташаббуси Академияи Вазорати корҳои дохилӣ ва Федератсияи волейболи Тоҷикистон мусобиқаи даставии волейбол, ки байни донишҷӯёни муассисаҳои таҳсилоти миёнаи касбӣ ва олии вилояти Суғд ташкил шуда буд, ба охир расид. Дар ин бора аз Федератсияи волейболи Тоҷикистон ба шореҳи варзиши АМИТ «Ховар» хабар доданд
Баъди бозии ниҳоӣ байни дастаҳои Академияи Вазорати корҳои дохилӣ ва Донишгоҳи давлатии ҳуқуқ, бизнес ва сиёсати Тоҷикистон ғолибон ва дастаҳои пешсафи мусобиқа муайян гардиданд. Чаҳор дастаи пешсаф ва ғолиб дар ҷараёни мусобиқа бозии хуб нишон дода, бо риояи қоидаҳои дар Федератсияи байналмиллалии волейбол пешбинишуда ҳарифонро мағлуб намуданд.
Дар давраи нимниҳоӣ дастаи Академияи Вазорати корҳои дохилӣ бо дастаи Мактаби варзишии бачагонаи ноҳияи Б.Ғафуров, дастаҳои ДДҲБСТ ва Коллеҷи тарбияи ҷисмонии шаҳри Бӯстон байни ҳам сабқат карданд. Бо нишон додани бартарии варзишӣ дастаи волейболбозони ДДҲБСТ ва Академияи Вазорати корҳои дохилӣ ба давраи ниҳоӣ роҳ ёфта, дар натиҷа дастаи ДДҲБСТ ҷойи аввал, Академияи ВКД мақоми дуюм, зинаҳои баъдиро Коллеҷи тарбияи ҷисмонии шаҳри Бӯстон ва Мактаби варзишии бачагонаи ноҳияи Б.Ғафуров соҳиб шуданд.
Ғолибону ҷоизадорони мусобиқа дар доираи барномаи фарҳангӣ-маърифатӣ ва варзишии «Корвони зиддимухаддиротӣ-2020», ки моҳи ноябр дар шаҳри Хуҷанд баргузор мегардад, бо Ҷом, медал, диплом, Ифтихорнома ва туҳфаҳои хотиравӣ қадрдонӣ мешаванд.
Дастаи мунтахаби наврасони Тоҷикистон (U-16) дар Тошканд ғолиби чемпионати CAFA-2026 гардид
Саидмуъмини Шарифзод Шоҳҷоизаи Мусобиқаи гӯштини миллӣ дар ноҳияи Рӯдакиро соҳиб гардид
Бозиҳои Осиё дар иншооти пӯшида ва ҳунарҳои размӣ дар Арабистони Саудӣ баргузор мегарданд
БОЗИҲОИ 4-УМИ ОЛИМПИИ НАВРАСОН. Пойтахти Сенегал – шаҳри Дакар бозиҳоро мизбонӣ мекунад
ЧЕМПИОНАТИ ҶАҲОНИИ ҶУДО-2026. Боку мизбони мусобиқаи муҳими давраи нави олимпӣ мешавад
CAFA. Дастаи мунтахаби наврасони Тоҷикистон (U-16) тими Қирғизистонро мағлуб намуд
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
ЧЕМПИОНАТИ ОСИЁ ОИД БА БОКС. Миҷгона Самадова ва Некрӯз Салимов соҳиби медалҳои биринҷӣ шуданд
Ғолибони шоҳҷоизаҳои мусобиқаи гӯштини миллии ноҳияи Панҷ муайян гардиданд
Дар шаҳри Анталияи Туркия Форуми 8-уми Этноспорт баргузор гардид
«ҶОМИ РАИСИ ШАҲРИ ДУШАНБЕ». Дар пойтахт Мусобиқаи байналмилалӣ оид ба гӯштингирӣ баргузор гардид
Паралимпичиёни тоҷик бо дастовардҳои бузурги варзишӣ ба Ватан баргаштанд
