Ду даҳгонаи довталабони беҳтарин дар ИМД-и солҳои 2018 ва 2019 муайян гардид
ДУШАНБЕ, 16.11.2020 /АМИТ «Ховар»/. Имрӯз дар шаҳри Душанбе ба ифтихори Рӯзи Президент бо ташаббуси Маркази миллии тестии назди Президенти Ҷумҳурии Тоҷикистон ду даҳгонаи довталабони беҳтарине, ки дар имтиҳонҳои марказонидаи дохилшавӣ (ИМД)-и солҳои 2018 ва 2019 аз ҳамаи субтестҳои супоридаашон натиҷаҳои баланд гирифтаанд, бо туҳфаҳои хотиравӣ сарфароз гардонида шуданд.
Аз маркази миллии тестии назди Президенти Ҷумҳурии Тоҷикистон ба хабарнигори АМИТ «Ховар» иттилоъ доданд, ки муайян кардани даҳгонаи довталабони беҳтарин дар ИМД аз соли 2018 оғоз гардида буд ва баргузории чунин маросим дар таърихи ИМД бори нахуст аст.
Дар ин маросим 11-нафарӣ (ҳамагӣ 22 нафар) аз довталабони ИМД-и солҳои 2018 ва 2019 ба даҳгонаи беҳтарин интихоб гардиданд. 1 нафар аз Вилояти Мухтори Кӯҳистони Бадахшон ҳамчун довталаби беҳтарин аз ин вилоят интихоб гардид. Ҳангоми таҳияи рейтинг холҳои бадастовардаи довталабон аз ҳамаи субтестҳои супоридаашон, яъне 6-субтестӣ ба назар гирифта шудааст.
Дар ҷараёни маросим роҳбарони Марказ ва намояндаи Вазорати маориф ва илми Ҷумҳурии Тоҷикистон оид ба ҳадаф ва аҳамияти ин чорабинӣ, дастоварди даҳгонаи беҳтарини дохилшуда, инчунин ИМД сухан гуфтанд.
Маркази миллии тестии назди Президенти Ҷумҳурии Тоҷикистон нақша дорад, ки барои солҳои 2020-2025 оид ба амалигардонии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф эълон намудани солҳои 2020-2040» дар назди Марказ соли 2021 вазифаи ҳавасмандгардонии довталабони аз фанҳои табиатшиносӣ, дақиқ ва риёзӣ холҳои имконпазири ҳадди аксар бадастоварда гузошта шавад.
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Пагоҳ Душанбе мизбони Бозиҳои XX Делфии ҷавонони кишварҳои аъзои ИДМ мегардад
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
