Филми мустанади «Бозгашт» рӯзҳои наздик манзури тамошобинон мегардад
ДУШАНБЕ, 24.11.2020 /АМИТ «Ховар»/. Таҳия, наворбардорӣ ва танзиму овоздиҳии филми мустанади «Бозгашт»-и Муассисаи давлатии «Тоҷикфилм» бо коргардонии Рустам Сатторзода ба итмом расида, рӯзҳои наздик барои намоиш омода мегардад. Дар ин бора ба АМИТ «Ховар» аз «Тоҷикфилм» хабар доданд.
Филми мустанад дар ноҳияи Фархори вилояти Хатлон ба навор гирифта шуда, таърихи пурғановати миллати тоҷик, бахусус гузаштаи минтақаҳои ноҳияи мазкурро тасвир менамояд.
Коргардон Рустам Сатторзода дар суҳбат бо хабарнигори АМИТ «Ховар» иброз намуд, ки филми мазкур як соату 12 дақиқа буда, таърихи то 6000-солаи ин минтақаро фаро мегирад. «Аслан мо он ҷойҳоеро, ки бостоншиносон пайдо кардаанд, ба навор гирифтем, аз ҷумла дар Шаҳртеппа, Шӯртеппа, қалъаи Золи Зар, қалъаи Пучқоқ, Хирмантеппа, Чилтанбобо (ҳозира Гӯристони Фархор) ва ғайра. Тасмим дорем филмро рӯзҳои наздик ба тамошобинон пешниҳод намоем»,-гуфт Рустам Сатторзода.
«Бозгашт» ба тарзи ҳирфаӣ рӯйи кор омада, барои омода кардани он таҷҳизоти техникии замонавӣ ва усулҳои муосири филмофарӣ истифода гардидаанд.
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
Дар Душанбе Рӯзи фарҳанги ноҳияи Муъминобод шукуҳманд баргузор гардид
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
