ФУТЗАЛ. Дар Тошканд байни дастаҳои мунтахаби Тоҷикистон ва Ӯзбекистон бозии дуюми дӯстона баргузор шуд

Ноябрь 20, 2020 13:50

ДУШАНБЕ, 20.11.2020. /АМИТ «Ховар»/. Дирӯз дар толори варзишии «Бунёдкор»-и шаҳри Тошканд бозии дуюми дӯстона байни дастаҳои   мунтахаби Тоҷикистон ва Ӯзбекистон оид ба футзал дар  сатҳи баланд баргузор шуд. Вохӯрии    мазкур бо пирӯзии мизбонон бо ҳисоби 4:2 хотима ёфт. Дар ин бора  шореҳи  варзиши АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Як рӯз пеш аз ин дастаи  мунтахаби Тоҷикистон бо дастаи мунтахаби Қирғизистон бозии дӯстона анҷом дод, ки рақобати зикршуда бо натиҷаи мусовии 1:1 анҷом ёфт.

Хотиррасон мешавем, ки бозии дӯстона бо дастаҳои  мунтахаби Қирғизистон ва Ӯзбекистон барои дастаи  мунтахаби Тоҷикистон яке аз марҳилаҳои омодагӣ ба чемпионати 16-уми футзали Осиё мебошад, ки аз 23 март то 3 апрели соли оянда дар Кувайт баргузор мешавад. Дар чемпионати Осиё дастаи мунтахабаи  Тоҷикистон дар гурӯҳи «А» бозӣ мекунад, ки рақибонаш дастаҳои мунтахаби Туркманистон, Ветнам ва Уммон хоҳанд буд. Аз рӯи натиҷагирии чемпионати  футзали Осиё дар Кувайт панҷ дастаи беҳтарин ба ҳаққи ширкат дар Чемпионати ҷаҳон-2021 мушарраф мешаванд. Мусобиқаи чемпионати футзали ҷаҳон аз 12 сентябр то 3  октябри соли 2021 дар Литва доир мегардад.

Бозии дӯстона

Ӯзбекистон — Тоҷикистон — 4:2

Голҳо: Акбар Усмонов (2), Анасхон Раҳматов, Даврон Чориев — Парвиз Раҳматов (2).

19 ноябр. Тошканд. Толори варзишии Академияи «Бунёдкор».

Бозиҳои дӯстона

18 ноябр (чоршанбе)

Қирғизистон – Тоҷикистон-1:1

Голҳо: Юлдошбой Салимбаев, 6 (1:0). Алишер Сафаров, 20 (1:1).

Ҳайати дастаи мунтахаби футзали Тоҷикистон дар бозиҳои дӯстона бо дастаҳои миллии Қирғизистон ва Ӯзбекистон:

Дарвозабонҳо: Фирӯз Бекмуродов («Сипар»-и Хуҷанд), Муродулло Алиқулов («Соро компания»-и Душанбе), Нуриддин Ҷабборов («Муҳоҷир»-и Душанбе);

Бозингарони майдонӣ: Дилшод Саломов, Баҳодур Хоҷаев, Алишер Сафаров, Раҳмоналӣ Шарипов, Парвиз Раҳматов (ҳама аз «Сипар»), Рустам Ҳамидов, Некрӯз Алимаҳмадов, Идрис Ёров (ҳарсе аз «Соро компания»), Самандар Ризомов, Бахтиёр Солиев, Некрӯз Идиев (ҳарсе аз «Муҳоҷир»).

Сармураббӣ – Александр Дзабирадзе (Гурҷистон).

Ноябрь 20, 2020 13:50

Хабарҳои дигари ин бахш

ФУТЗАЛ. Тоҷикистон бо дастаи мунтахаби Қирғизистон бозии дӯстона доир намуд
ФУТБОЛ. Дастаи КМВА-и шаҳри Душанбе соҳиби медалҳои биринҷии Чемпионати Тоҷикистон-2020 гардид
ФУТЗАЛ. Имрӯз дастаи мунтахаби Тоҷикистон барои бозиҳои дӯстона ба Ҷумҳурии Ӯзбекистон сафар кард
ФУТБОЛ: дастаи мунтахаби наврасони то 16-солаи Тоҷикистон ба тамринҳо шурӯъ намуд
Дастаи мунтахаби Тоҷикистон оид ба футбол ба мусобиқаи чемпионати Осиё омодагӣ мебинад
Ғолибони Чемпионати Тоҷикистон оид ба дзюдо миёни паҳлавонони маъруфи тоҷик муайян шуданд
Мусобиқаи футболи хурд барои дарёфти «Ҷоми Вазири корҳои дохилӣ-2020» идома дорад
Таҳти раёсати муовини Сарвазири мамлакат Матлубахон Сатториён ҷаласаи Шӯрои рушди тарбияи ҷисмонӣ ва варзиш баргузор гардид
Тоҷикистон бо дастаи мунтахаби Аморати Муттаҳидаи Араб бозии дуюми дӯстона доир намуд
Тоҷикистон имрӯз бо дастаи мунтахаби Аморати Муттаҳидаи Араб бозии дуюми дӯстона анҷом медиҳад
Ҳайати дастаи футболи «Равшан»-и шаҳри Кӯлоб бо мукофотпулӣ ва сипосномаҳо қадрдонӣ шуд
Донишгоҳи давлатии Данғара макони баргузории мусобиқаҳои минтақавӣ гардидааст