«IRS»: Новобаста аз бориши шадид дар роҳи Душанбе – Чанок ҳаракати нақлиёт таъмин аст
ДУШАНБЕ, 13.11.2020 /АМИТ «Ховар»/. Тавре Агентии обуҳавосанҷии Тоҷикистон қаблан хабар дода буд, субҳи имрӯз дар қаламрави мамлакат бориши шадиди борон ва дар минтақаҳои баландкӯҳ резиши барф шурӯъ гардид. Дар масири роҳи мошингарди Душанбе — Чанок бориш нисбатан зиёд буда, дар минтақаи Варзоб аз километри 10 то 65 борон, аз 65 то 73 барф борида истодааст. Дар минтақаҳои Зарафшону Суғд аз километри 155 то 210 бориши барф ва дар қисмати боқимонда бориши борон идома дорад. Дар ин бора ба хабарнигори АМИТ «Ховар» аз Маркази матбуоти филиали Ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон хабар доданд.
Бо назардошти ҳолати баамаломада кормандони филиали ширкат фаъолиятро беш аз пеш тавсеа бахшида, кӯшиш доранд ҳаракати муназзаму бехатари воситаҳои нақлиёт таъмин бошад. Дар ин раванд коркарди роҳ бо маводи зиддилағжиш мунтазам амалӣ шуда истодааст. Бо фаро расидани фасли сармо тамоми идораву ташкилот ва шаҳрвандон пайи омодагӣ ба он камари ҳиммат мебанданд. Зеро айёми қаҳратуни сол мушкилоти зиёд ба дунбол дошта, дар сурати сари вақт омодагӣ надидан фаъолият мушкил мешавад.
Бо назардошти муҳимияти масъалаи мавриди назар Қарори Ҳукумати Ҷумҳурии Тоҷикистон “Дар бораи сари вақт омода намудани соҳаҳои иқтисодиёт ва иҷтимоёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021” низ ба тасвиб расид. Филиали ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон, ки нигоҳдории роҳи Душанбе-Чанок ба зиммааш вогузор аст, ба фаслҳои тирамоҳу зимистон омодагии ҷиддӣ дорад. То ин замон барои фаъолияти муназзам дар фасли сармо 19 820 тонна маводи зиддилағжиш, 69 тонна ангишт, 171000 литр сӯзишворӣ (солярка ва бензин) ва дар ҳаҷми зарурӣ равғанҳои молиданиву либосҳои зимистона захира шудаанд. Илова ба ин, техникаҳои марбут ба филиали ширкат бо чархҳои зимистона таъмин гардида, ҳолати техникиашон ба талабот ҷавобгӯст.
Мавҷудияти 210 мошину техникаи замонавӣ барои нигоҳдории роҳ, ки аксарашон дар ҷумҳурӣ назир надоранд, далели возеҳи он аст, ки ширкат дар иҷрои рисолат хеле фаъол аст.
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
