Раиси нави Бонки миллӣ талош дорад болоравии нархҳо дар Тоҷикистон пешгирӣ карда шавад

Ноябрь 27, 2020 10:55

ДУШАНБЕ, 27.11.2020 /АМИТ «Ховар»/. Раиси Бонки миллии Тоҷикистон Ҳоким Холиқзода лоиҳаи Дурнамои сиёсати пулию қарзии Ҷумҳурии Тоҷикистон барои соли 2021-ро барои баррасӣ ба палатаи поёнии Парлумон пешниҳод кард, хабар медиҳад хадамоти матбуоти Маҷлиси намояндагон.

Ба гуфтаи Холиқзода, коршиносон асосан ба масъалаи дар сатҳи мӯътадил нигоҳ доштани нархҳо дар бозори дохилии истеъмолӣ таваҷҷуҳ намудаанд.

Он тавассути истифодаи механизму фишангҳои сиёсати пулию қарзӣ барои пешгирии фишороварии омилҳои монетарӣ ба сатҳи нархҳо амалӣ мегардад.

Холиқзода зикр кард, ки тасдиқи лоиҳа ба таҳкими сиёсати пулию қарзӣ, ки барои нигоҳ доштани болоравии нархҳо зарур аст, мусоидат хоҳад кард. Он ба таъмини рушди устувори иқтисодӣ ва баланд бардоштани сатҳи некуаҳволии мардум заминаи мусоид фароҳам меорад. Дар хотимаи ҷаласа лоиҳаи Дурнамо тасдиқ гардид.

Дар баробари ин,  дар ҷаласа лоиҳаи Қонун «Дар бораи тайёр намудани мутахассисон бо назардошти талаботи бозори меҳнат» баррасӣ карда шуд. Ҳуҷҷати мазкур тайёр кардани мутахассисони баландихтисосро муайян намуда, ба тезонидани саноатикунонии мамлакат нигаронида шудааст.

Қонун заминаи ҳуқуқӣ, ташкилӣ ва молиявии ҳамкории давлат, корфармоён ва муассисаҳои таълимиро дар бар мегирад.

Ноябрь 27, 2020 10:55

Хабарҳои дигари ин бахш

Миёни Кумитаи рушди сайёҳӣ ва Ассотсиатсияи туризми дар ҷомеа асосёфта Ёддошти тафоҳум ба имзо расид
Дар шаҳри Бохтар филиали КВД БССТ «Саноатсодиротбонк» ифтитоҳ гардид
БМТ: Рушди ҳисоббаробаркунии ғайринақдӣ тақозои замон аст
ҚУРБИ АСЪОР: дар муассисаҳои ташкилии қарзии Тоҷикистон 1 евро аз 12.9700 то 12.9700 сомонӣ муқаррар шудааст
Далер Ҷумъа дар нишасти Шӯрои энергетикии барқи ИДМ ширкат намуд
Соли 2022 ба Тоҷикистон аз Русия чӣ миқдор нафту газ ворид мешавад
Дар Вазорати рушди иқтисод ва савдо масъалаи содагардонии расмиёти савдо баррасӣ шуд
ҚУРБИ АСЪОР: дар муассисаҳои ташкилии қарзии Тоҷикистон 1 рубли русӣ аз 0.1524 то 0.1540 сомонӣ муқаррар шудааст
Дар Кӯлоб Форуми минтақавии соҳибкории Хатлон-2021 баргузор шуд
Дар Бонки миллӣ Стратегияи давлатии муқовимат ба коррупсия барои давраи то соли 2030 баррасӣ гардид
Маҷмааи нассоҷии ҶСП «Ҷунтай Данғара Син Силу Текстил» дар ноҳияи Данғара ба мутахассисон эҳтиёҷ дорад
Дастовардҳои биологҳои тоҷик дар соли 2021 натиҷагирӣ шуд