Ҳукумати Ҳиндустон барои таҳсили шаҳрвандони хориҷӣ бурсияҳои таҳсилӣ ҷудо намуд

ДУШАНБЕ, 10.11.2020. /АМИТ “Ховар”/. Ҳукумати Ҷумҳурии Ҳиндустон барои таҳсили шаҳрвандони хориҷӣ аз рӯи ихтисосҳои гуногуни тиб дар соли таҳсили 2021-2022 дар зинаҳои бакалавр, магистратура ва доктор PhD бурсияҳои таҳсилӣ ҷудо намуд. Дар ин бора ба АМИТ “Ховар” аз Муассисаи давлатии «Маркази барномаҳои байналмилалӣ» хабар доданд.

Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон иттилоъ медиҳад, ки Ҳукумати Ҷумҳурии Ҳиндустон дар доираи барномаи “AYUSH Scholarship” барои таҳсили шаҳрвандони хориҷӣ аз рӯи ихтисосҳои гуногуни тиб дар соли таҳсили 2021-2022 дар зинаҳои бакалавр, магистратура ва доктор PhD бурсияҳои таҳсилӣ ҷудо намудааст. Таҳсил ба забонҳои англисӣ ва ҳиндӣ сурат гирифта, довталабон бояд бо забони англисӣ ба таври озод суҳбат карда ва навишта тавонанд”, — илова намуд манбаъ.

Довталабон бояд худро то 12.11.2020 дар «Маркази барномаҳои байналмилалӣ» номнавис намоянд.

Телефонҳо барои тамос: 221-30-33, 223-23-59.

Е-mail: umomort@gmail.com