Ҷаласаи Кумитаи назоратии Комиссияи муштараки ҳамкории иқтисодӣ, тиҷоратӣ, техникӣ ва фарҳангии Тоҷикистон ва Эрон баргузор гардид

ДУШАНБЕ, 10.12.2020 /АМИТ «Ховар»/. 9 декабр ҷаласаи видеоии  Кумитаи назоратии иҷрои қарорҳои ҷаласаи 13-уми Комиссияи муштараки ҳамкории иқтисодиву тиҷоратӣ ва техникиву фарҳангии Ҷумҳурии Тоҷикистон ва Ҷумҳурии Исломии Эрон баргузор гардид.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар он ҳайати Тоҷикистонро муовини Вазири энергетика ва захираҳои оби Ҷумҳурии Тоҷикистон Назар Назарзода ва ҳайати эрониро муовини Вазири неруи Ҷумҳурии Исломии Эрон Муҳаммадалии Фараҳнокиён роҳбарӣ карданд.

Ҷонибҳо вазъи кунунии ҳамкории Тоҷикистон ва Эронро дар соҳаҳои гуногун мавриди баррасӣ қарор дода, тадбирҳои мушаххасро ҷиҳати тақвияти ҳамкории мутақобилан судманди иқтисодиву тиҷоратӣ ва техникиву фарҳангии ду кишвар ҳамоҳанг намуданд.

АКС аз ВКХ ҶТ