Ҷаласаи Шӯрои ҳукуматӣ оид ба рушди кинематографияи миллӣ доир шуд
ДУШАНБЕ, 10.12.2020 /АМИТ «Ховар»/. Дар бинои Ҳукумати ҷумҳурӣ ҷаласаи Шӯрои ҳукуматӣ оид ба рушди кинематографияи миллӣ зери раёсати Раиси Шӯро, муовини Сарвазири Ҷумҳурии Тоҷикистон Матлубахон Сатториён баргузор гардид.
Дар он чор мавзӯъ: оид ба ҷараёни иҷрои супоришҳои протоколи ҷаласаҳои Шӯро дар соли 2019, оид ба омодагӣ ба ташкил ва баргузории нахустин Кинофестивали байналмилалии «Душанбе», оид ба фаъолияти Шӯрои бадеии Муассисаи давлатии «Тоҷикфилм» ва муҳокимаи лоиҳаи филмномаи Далер Раҳматов «Шабгардон» мавриди баррасӣ қарор дода шуд. Дар ин бора АМИТ «Ховар» бо истинод ба Муассисаи давлатии «Тоҷикфилм» хабар медиҳад.
Аз рӯйи се масъалаи ҷаласа директори Муассисаи давлатии «Тоҷикфилм», котиби масъули Шӯро Маҳмадсаид Шоҳиён гузориши муфассал пешниҳод намуд. Зикр шуд, ки бо мақсади ҳамоҳангсозии фаъолияти мақомоти ҳокимияти давлатӣ, муассисаю ташкилот ва иттиҳодияҳои ҷамъиятӣ ҷиҳати рушди кинематографияи миллӣ ва татбиқи сиёсати Ҷумҳурии Тоҷикистон дар соҳаи кино аз соли 2015 Шӯрои ҳукуматӣ оид ба рушди кинематографияи миллӣ фаъолият менамояд. Дар асоси Низомномаи худ Шӯрои ҳукуматӣ оид ба рушди кинематографияи миллӣ ҷаласаҳо баргузор мекунад. Ҷаласаҳо дар шакли санад ба расмият дароварда шуда, барои иҷро ба вазорату идораҳо ва ташкилоту муассисаҳо вогузор карда мешаванд.
Доир ба масъалаи чоруми ҷаласа муаллифи филмномаи «Шабгардон» Далер Раҳматов сухан гуфта, ба таври мухтасар мазмуну муҳтавои филмномаро муаррифӣ намуд.
Ҳамзамон масоили рӯзномаи ҷаласаи Шӯрои ҳукуматӣ оид ба рушди кинематографияи миллӣ мавриди музокира ва баҳси иштирокчиёни ҷаласа қарор дода шуданд.
Дар хотимаи ҷаласа доир ба рафъи мушкилоти соҳа ба вазорату идораҳои дахлдор супоришҳо дода шуда, қарори ҷаласа қабул ва нақшаи кори Шӯро барои шашмоҳаи якуми соли 2021 тасдиқ гардид.
Пагоҳ Рӯзи фарҳанги шаҳри Норак, ноҳияҳои Фархор, Ёвон ва Мастчоҳ доир мегардад
НИШАСТИ МАТБУОТӢ. «Тоҷикфилм» истеҳсоли се филми пурраметражи ҳунариро ба анҷом расонид
НИШАСТИ МАТБУОТӢ. Кумитаи забон ва истилоҳот фаъолияти 75 ташкилотро мавриди санҷиш қарор дод
Филми ҳунарии «Моҳӣ дар шаст» дар кинофестивали байналмилалии Ярослав соҳиби се ҷоиза шуд
Бо мақсади муаррифии васеи Тоҷикистон як зумра филмҳои мустанад ба забони англисӣ тарҷума ва дубляж гардиданд
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
«Харитаи хатсайри Шӯриши Восеъ» ба ҷалби бештари сайёҳони дохилию хориҷӣ мусоидат менамояд
Корҳои тармиму барқарорсозӣ дар ёдгориҳои Қалъаи Муъминобод, Қалъаи Кӯлоб ва қасри Ҳокими Ҳисор идома доранд
Дар Бадахшон даври вилоятии Озмуни ҷумҳуриявии «Тоҷикистон — Ватани азизи ман» ҷамъбаст гардид
Бо иштироки олимони бостоншинос филми мустанади «Хутали қадим» таҳия гардид
Дар Тоҷикистон 6 агентии иттилоотӣ, аз ин 1 давлатӣ ва 5 мустақил фаъолият доранд
НИШАСТИ МАТБУОТӢ. «Шоҳи қуллаҳо» — филми мустанад дар мавзуи ҳифзи бабри барфӣ сазовори ҷоиза гардид
