Ба Мактаб-интернати ятимон ва бепарасторони Муъминбод туҳфаҳои солинавӣ расонида шуд
МУЪМИНОБОД, 29.12.2020 /АМИТ «Ховар»/. Дар арафаи Соли нави мелодии 2021 аз ҷониби ҶДММ «Заркорон», Хоҷагии ҷангал ва бахши кор бо ҷавонони ноҳия ба 81 нафар тарбиятгирандагони Мактаб-интернати ятимон ва бепарасторони ноҳияи Муъминбод либосҳои болопӯш, пойафзолҳои зимистона ва туҳфаҳои солинавӣ тақдим карда шуд. Барои тарбиятгирандагони таълимгоҳи мазкур ҳамчунин дастурхони идона ороста шуд.
Раиси ноҳия Лутфия Шарифзода кӯдаконро бо фарорасии Соли нави мелодӣ табрик намуда, афзуд, ки «шумоён ҳаргиз худатонро ятиму бепарастор нашуморед, чунки Сарвари давлат ва ҳукумати мамлакат ҳамеша ғамхору мададгоратон ҳастанд. Онҳо намегузоранд, ки шумо худатонро бе падару модар, танҳову нотавон ҳис кунед. Барои таълиму тарбия ва зиндагии сазовори Шумо шароит фарохам оварда мешавад. Шумо бояд танҳо барои хуб хондан саъю кӯшиш намоед, то ҳамчун фарзандони содиқи Ватан ба воя расида, ба халқ софдилона хизмат кунед».
Айни ҳол дар Мактаб-интернат 81 нафар ба таҳсил фаро гирифта шудааст, ки аз ин шумора 15 нафарашон духтарон мубошанд.
Тавре директори Мактаб-интернат Сайфиддин Нуров иброз дошт, тарбиятгирандагон ба шароити лозима таъмин буда, бо ҷои хоб ва се вақт хӯрок таъмин мебошанд. Гарчанде ки Мактаб-интернат ба хати тозаи барқ таъмин бошад ҳам, дар синфхонаҳо печҳои аловӣ насб карда шудааст, ки дар фасли сармо барои хонандагон гармӣ мебахшанд. Барои гузаронидани зимистон 3 тонна ангишт ва 120 куб ҳезум захира карда шуда, аз ҷониби соҳибкорони саховатпеша сӯзишворӣ ва дигар маводҳои сӯхт ба Мактаб –интернат ворид мешаванд.
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
