Дар ноҳияи Муъминобод даври вилоятии озмуни фаннӣ доир гардид
МУЪМИНОБОД, 10.12.2020 /АМИТ «Ховар»/. Бо иштироки беш аз 200 нафар довталабони синфҳои болоӣ аз муассисаҳои таълимии шаҳру ноҳияҳои минтақаи Кӯлоб дар ноҳияи Муъминобод даври вилоятии озмун аз фанни таърих ва ҳуқуқ доир гардид.
Тавре мухбири минтақавии АМИТ “Ховар” иттилоъ дод, шуъбаи маорифи ноҳияи Муъминобод барои дар сатҳи баланд ва шаффоф гузаронидани озмун шароити зарурӣ муҳайё кардааст. Ба иттилои мудири шуъбаи маорифи ноҳияи Муъминобод Олимҷон Табаров, Вазорати маориф ва илми Ҷумҳурии Тоҷикистон чунин озмуну олимпиадаҳоро байни хонандагони муассисаҳои таълимӣ ва муассисаҳои олӣ пайваста мегузаронад. Дар ҷамъбасти озмуну олимпиадаҳо хонандагони беҳтарин муайян ва соҳиби имтиёзҳо мегарданд, ки ба таҳсили ояндаашон мусоидат мекунад.
Маркази рушди дарёфт ва истеъдодҳои Раёсати маорифи вилояти Хатлон барои довталабон саволҳои тестӣ омода намудааст, ки ҳар довталаб имкон дорад давоми ду соат ба саволҳо ҷавоб дода, соҳиби холҳо гардад. Дар ин озмун беҳтарин иштирокчӣ соҳиби 100 хол ва ғолиб хоҳад гардид.
Гузаронидани озмуни вилоятӣ дар минтақаҳо аз як ҷониб барои риояи қоидаҳои беҳдоштӣ ва пешгирии бемории сироятии КОВИД-19 бошад, аз ҷониби дигар сабаби мустаҳкам гардидани дӯстӣ миёни хонандагон ва омӯзиши таҷрибаи ҳамдигар унвон мешавад.
Ҳар довталаб ба озмун бо тайёрии хуб омада, барои ғолиб гардидан кӯшиш мекунад. Қисми зиёди довталабон аллакай дар чунин озмунҳо иштирок карда, аз қоида ва ҷараёни он огоҳ мебошанд.
Баъди ҷамъбасти озмун беҳтаринҳо бо ифтихорномаҳои раёсати маорифи вилояти Хатлон сарфароз гардида, ба даври вилоятӣ роҳхат мегиранд.
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
