Дар рӯзи аввали Озмуни «Фурӯғи субҳи доноӣ китоб аст» дар номинатсияи шоирӣ 3 нафар ҳунарнамоӣ карданд
ДУШАНБЕ, 08.12.2020 /АМИТ «Ховар»/. Рӯзи дуюм аст, ки дар Китобхонаи миллии Тоҷикистон даври ниҳоии Озмуни ҷумҳуриявии «Фурӯғи субҳи доноӣ китоб аст» ҷараён дорад. Дар рӯзи аввал аз рӯйи номинатсияи шоирӣ аъзои ҳакамон аз вилояти Суғд 3 нафар-Мафтуна Нозирова, Сафар Абдураҳимов ва Мадина Қодироваро шуниданд. Айни замон иштирокчиён аз вилояти Хатлон баромад карда истодаанд.
Ба иттилои узви ҳакамон Хайриддини Хайрандеш, «дар номинатсияи шоирӣ дар рӯзи аввал тавонистем чеҳраҳои нави эҷодкор кашф намоем. Ҳарчанд дар эҷодиёти нахустини баромадкунандагон камбудиҳо ба назар мерасанд, вале дар маҷмӯъ метавон гуфт, миёни иштирокчиён чеҳраҳои нави суханвару сухандон зиёданд».
Роҳбари гурӯҳи ҳакамон Рустам Ваҳҳобзода иброз намуд, ки барояшон муайян кардани ғолибон аз рӯи номинатсияи шоирӣ хеле душвор аст, зеро иштирокчиён бо тайёрии пухта омадаанд. «Гузашта аз ин, барои ин номинатсия танҳо 3 ҷойи ифтихорӣ муқаррар шудааст, ки муайян кардани беҳтаринҳо кори моро душвортар месозад. Ҳар чеҳрае, ки инҷо омадааст, бо эҷоду суханаш аз ҳамдигар фарқ мекунад. Изҳори итминон дорам, ки соли оянда ба номинатсияи мазкур тағйирот ворид гардида, шумораи ҷойҳои ифтихорӣ бештар карда мешавад»,- гуфт Рустам Ваҳҳобзода.
Ёдовар мешавем, ки дар номинатсияи шоирӣ аз вилоятҳои Суғду Хатлон, шаҳру ноҳияҳои тобеи ҷумҳурӣ ва шаҳри Душанбе 23 нафар ширкат меварзанд.
Ғолибони ин номинатсияро барои ҷойи якум 25 000 ҳазор сомонӣ, ҷойи дуюм 20 000 ҳазор сомонӣ ва зинаи сеюм 15 000 ҳазор сомонӣ интизор аст.
Абдураҳими АБДУҚАҲҲОР,
АМИТ «Ховар»
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
Дар шаҳри Ҳисор маҳфил-озмунҳои «Тоҷикистони ман!» ва «Шоҳномахонӣ» оғоз гардиданд
«ТОҶИКИСТОН — ВАТАНИ АЗИЗИ МАН». Дар ноҳияи Варзоб даври ноҳиявии озмуни ҷумҳуриявӣ доир шуд
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ИЛМ — ФУРӮҒИ МАЪРИФАТ». Дар Донишгоҳи давлатии Бохтар даври муассисавии озмуни ҷумҳуриявӣ доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
