Директори Институти саломатии ИМА Ораш Алоӣ бо табибони тоҷик семинар-машварати онлайнӣ доир намуд
ДУШАНБЕ, 08.12.2020 /АМИТ «Ховар»/. Бо омадани фасли сармо мардум дару тирезаҳои утоқҳои корӣ ва хонаҳоро пӯшида, ҳароратро аз 18 дараҷа зиёд мекунанд, ки ин амал сабаби авҷ гирифтани бемории COVID — 19 шуда метавонад. Яке аз роҳҳои маъмули пешгирии ин беморӣ дар нақлиёти истифодаи умум, утоқҳои корӣ ва хона пайваста кушодани тирезаҳо, ҳаворо он ҷойҳоро тоза намудан, дар ҷойҳои ҷамъиятӣ ҳатман аз ниқобҳои тиббӣ истифода бурдан, худдорӣ намудан аз рафтан ба маъракаҳои серодам ва риоя намудани масофаи иҷтимоӣ мебошад.
Ин тавсияро директори Институти саломатии ИМА доктор Ораш Алоӣ зимни семинар-машварати онлайнӣ, ки 7 декабр дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вобаста ба пешгирӣ ва табобати бемории COVID-19 бо иштироки муовинони вазири тандурустӣ ва ҳифзи иҷтимоии аҳолии Ҷумҳурии Тоҷикистон, роҳбарони муассисаҳои тандурустӣ ва табибоне, ки бевосита гирифторони коронавируси нави COVID-19-ро табобат мекунанд, доир шуд, манзур намуд.
Доктор Ораш Алоӣ зимни семинар-машварати мазкур доир ба усулҳои нави ташхис ва табобати бемории COVID-19 ба иштирокчиён маълумот пешниҳод намуд.
Носмбурда аз он изҳори нигаронӣ намуд, ки ҳоло шумораи нафароне, ки дар кӯчаҳо бе ниқоби тиббӣ мегарданд, зиёд ба назар мерасад. Дар ин росто, гуфта шуд, ки риояи ҳатмии реҷаи ниқоб низ дар самти пешгирии бемории коронавируси нави COVID-19 хеле манфиатбахш мебошад. Бинобар ин, таъкид гардид, ки бояд масъалаи мазкур ҳарчи бештар ба мардум фаҳмонида шавад.
Инчунин, директори Институти саломатии ИМА доктор Ораш Алоӣ як сабаби кам гирифтор шудан ва фавт аз онро дар кишвар бар асари бемории COVID-19 ба он рабт намуд, ки Тоҷикистон кишвари кӯҳсор аст ва ҷойҳои издиҳом дар он кам вуҷуд доранд. Гуфта шуд, ки чун аксар мардуми Тоҷикистон дар кӯҳистон зиндагӣ мекунанд, дар он ҷойҳо метавон фосилаи иҷтимоиро ба хубӣ риоя кард
Дар охир миёни иштирокчиёни семинар-машварати мазкур дар самти роҳҳои табобати бемории коронавируси нави COVID-19 бахши саволу ҷавоб доир гардид.
Ёдовар мешавем, ки Ораш Алоӣ моҳи ноябр барои тавсия ва кумак ба табибони тоҷик ҷиҳати пешгирӣ ва табобати COVID- 19 ба Тоҷикистон омад. Ӯ ҳамчун коршиноси байналмилалӣ таи чанд сол бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҳамкорӣ дорад.
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
