«Сомон Эйр» ба шаҳри Минск 10 парвози махсус анҷом медиҳад

Декабрь 2, 2020 10:22

ДУШАНБЕ, 02.12.2020 /АМИТ «Ховар»/. Ширкати ҳавопаймоии «Сомон Эйр» моҳи декабри соли равон дар масири Душанбе-Минск-Душанбе иҷрои 10 парвози махсусро ба нақша гирифтааст.

Ширкати «Сомон Эйр» ба диққати мусофироне, ки мехоҳанд озими Ҷумҳурии Беларус гарданд, мерасонад, ки мутобиқи Қарори Шӯрои вазирони Беларус қоидаҳои зерини вуруд ба ин кишвар ва убури қаламрави он (транзит) амал мекунанд. Аз ҷумла, шаҳрвандони  Ҷумҳурии Тоҷикистон ҳангоми убури марз бояд бо худ нусхаи аслии маълумотномаи тиббии гирифтор набудан ба COVID-19-ро (PCR-тест) бо забонҳои русӣ, беларусӣ ва ё англисӣ дошта бошанд. Натиҷаи PCR-тест бояд на дертар аз 72 соат қабл аз убури марзи давлатии Беларус омода шуда бошад. Матни пурраи Қарори №591 дар сомонаи расмии Шӯрои вазирони Ҷумҳурии Беларус ҷой дода шудааст, иттилоъ медиҳад сарчашма.

Мусофироне, ки тариқи Минск парвозҳои транзитӣ анҷом медиҳанд, бояд бо худ чиптаи нуқтаи ниҳоии сафар ва маълумотномаи эмин будан аз COVID-19 (натиҷаи манфии PCR-тест)-ро дошта бошанд. Маълумоти навин оид ба тадбирҳои миллии пешгирикунандаи паҳншавии COVID-19-ро метавон дар сомонаи Вазорати тандурустии Ҷумҳурии Беларус дарёфт кард. Маълумот оид ба тадбирҳои пешгирикунандаи хуруҷи вируси COVID-19 дар фурудгоҳи Минск дар сомонаи фурудгоҳи миллии Минск дастрас мебошад. Маълумоти муфассал дар сомонаи http://tajikistan.mfa.gov.by дарҷ гардидааст.

Тибқи талабот, кулли мусофирон бояд ниқоб ва дастпӯши ҳифозатӣ дошта бошанд. Мусофироне, ки таби баланд ё аломатҳои беморӣ доранд, ба дохили ҳавопаймо роҳ дода намешаванд.

Мувофиқи дастури Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мусофирони ба Тоҷикистон воридшаванда бояд бо худ маълумотномаи мубтало набудан ба COVID-19 — натиҷаи манфии PCR-тестро, ки давоми 72 соат қабл аз омадан ба Тоҷикистон омода гардидааст, дошта бошанд. Кӯдакони то 3-сола аз пешниҳоди маълумотномаи мазкур озод мебошанд.

Декабрь 2, 2020 10:22

Хабарҳои дигари ин бахш

АЗ ПАЁМ ТО ПАЁМ. Яке аз супоришҳои Паёми соли 2019 таҳияи «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025» буд. Оё он амалӣ гардид?
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҳисор се иншооти ҷашнӣ ба истифода дода шуданд
Тоҷикистон ва Қазоқистон ҳамкории иқтисодию тиҷоратиро густариш медиҳанд
СММ: Аз соли 2011 то соли 2020 дар таърихи мушоҳидаҳо даҳсолаи гармтарин буд
Дар «Бозори Деҳқон»-и Душанбе нархи маҳсулоти кишоварзӣ нисбат ба дигар бозорҳо 20-25 фоиз арзонтар аст
Аз кишвари аграрӣ — индустралӣ ба кишвари индустралӣ – аграрӣ- яке аз самтҳои афзалиятноки Барномаи миёнамуҳлати рушди Ҷумҳурии Тоҷикистон барои солҳои 2021-2025
Дар Хатлон бо ташаббуси соҳибкорон 3 фермаи парвариши чорвои калон сохта шуд
12 нафар занони ноҳияи Сангвор сазовори грантҳои президентӣ гардидаанд
Шералӣ Кабир дар Исфара бо фаъолияти корхонаҳои саноатии «Субҳи Ватан» ва «Шираи гандум» шинос шуд
Вазири саноат ва технологияҳои нави Тоҷикистон бо фаъолияти корхонаҳои саноатии Хуҷанд шинос шуд
Дар Душанбе фаъолияти 20-солаи Хадамоти зиддиинҳисории Тоҷикистон натиҷагирӣ гардид
«Somon Air» дар хатсайри Душанбе-Дубай-Душанбе парвози дуюмро роҳандозӣ намуд