Вазорати рушди иқтисод ва савдо ба ятимони кулл ва бепарастони ноҳияи Панҷ кумак намуд

ДУШАНБЕ, 31.12.2020 /АМИТ «Ховар»/. Вазорати рушди иқтисод ва савдои ҷумҳурӣ  ба ятимони кулл ва бепарастони ноҳияи Панҷ кумак намуд. Кумаки мазкур аз либосҳои гарм ва маҳсулоти ғизо,   аз ҷумла 38 халта орд, 190 кг шакар, 190 кг биринҷ, 114 литр равған ва 18 дона болопӯши  зимистона  иборат буд.

Тавре аз Вазорати мазкур ба АМИТ «Ховар» хабар доданд, Вазири рушди иқтисод ва савдои Ҷумҳурии Тоҷикистон Завқӣ Завқизода баъди супоридани туҳфаҳои солинавӣ,  кӯдакони ятими кулл ва бепарасторони ноҳияро бо фарорасии соли нави 2021 аз номи Ҳукумати ҷумҳурӣ шодбош гуфта, некӯаҳволӣ, бахту пирӯзиҳо, зиндагонии босаодат ва толеи баланди онҳоро  орзу намуд.

Номбурда зикр кард, ки «ҷавобан ба ин ғамхориҳои   Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати ҷумҳурӣ Шумо бояд бо баҳои  хубу аъло хонда, баҳри мутахассисони баландихтисоси соҳаҳои гуногуни Тоҷикистон шудан аз имрӯз саъю талош намоед».