ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар шаҳри Гулистон 157 иншоот тармим ва навсозӣ гардидаанд
ДУШАНБЕ, 06.01.2021 /АМИТ «Ховар»/. Давоми солҳои 2018-2020 тибқи нақшаи чорабиниҳо ба ифтихори 30-солагии Истиқлоли давлатии Ҷумҳурии Тоҷикистон дар маркази шаҳри Гулистон ва шаҳракҳои тобеи он 157 иншооти нақшавӣ ва ғайринақшавӣ ба маблағи беш аз 310 миллион сомонӣ бунёд, тармим ва навсозӣ гардидаанд. Ин нуктаро муовини раиси шаҳри Гулистони вилояти Суғд Ғайрат Оқилзода дар машварати кории мақомоти иҷроияи ҳокимияти давлатии шаҳр иброз дошт.
Тавре аз мақомоти иҷроияи ҳокимияти давлатии шаҳр ба АМИТ «Ховар» хабар доданд, дар машварати корӣ зикр гардид, ки бо иштироки бевоситаи Президенти Ҷумҳурии Тоҷикистон муҳтарам Эмомалӣ Раҳмон 14 иншооти ҷашнӣ, аз ҷумла майдонҳои Парчам ва Нишони давлатӣ, кӯдакистони «Парасту», мактаби санъат, меҳмонхонаҳои иловагӣ дар осоишгоҳи «Баҳористон», барқарорсозӣ ва таҷдиди Шабакаи обрасонии шаҳр, корхонаи арматурабарории ҶДММ «Маҳмуд ва Компания», коргоҳи коркарди коғаз дар ҳудуди ҶДММ «Сахо ва Компания», коргоҳи истеҳсоли ришта дар ҶСК «Қолинҳои Қайроққум», фабрикаи мурғпарварӣ ва истеҳсоли гӯшти мурғ дар ҶДММ «Мурғи аълосифат», истироҳатгоҳи «Суғдиён» ва оғози ҷараёни навсозии Неругоҳи барқи обии «Қайроққум» мавриди истифода қарор дода шуданд.
Раиси шаҳр Бахтиёр Саидаҳмадзода доир ба таҷзияи ҳаматарафаи нақшаи чорабиниҳо, сатҳу сифати иншооти бунёдшаванда, муҳлатҳои он, иншооти сохтмонаш тӯлкашида ва дигар мушкилот, аз ҷумла доир ба иншооти бунёдгардидаи ғайринақшавӣ ибрози назар намуда, дастур дод, ки ба нақшаи чорабиниҳо бо дарназардошти бунёди иншооти ғайринақшавӣ тағйироту иловаҳо дароварда шаванд.
Масъалаи ободониву хуррамгардонӣ ва вазъи беҳдошти маркази шаҳр чун яке аз марказҳои асосии сайёҳии вилоят мавриди таҳлил ва вазифагузорӣ қарор гирифта, барои тавсеаи корҳои ободонӣ масъулин вобаста карда шуданд.
Дар фарҷоми машварат Раиси шаҳр Бахтиёр Саидаҳмадзода доир ба таҷдиди даромадгоҳи ғарбии шаҳр, вусъати ниҳолшинонӣ, вазъи боғи фарҳангӣ-фароғатии «Темурмалик», рангубори биноҳои истиқоматӣ, чароғонкунӣ ва ободонии кӯчаҳои дохилии маркази шаҳр, ивази партовгоҳҳо, густариши корҳои тарғиботӣ-ташвиқотӣ доир ба сарфакорӣ дар истифодаи неруи барқ, корбарӣ бо усули гардиши хона ба хона, зимистонгузаронӣ, ғанигардонии буҷет, иваз намудани шиору лавҳаҳои фарсудаву кӯҳнашуда ва амсоли ин ба масъулин супориш дод.
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
