Арзиши биткоин бори аввал дар таърих аз 35 ҳазор доллар гузашт

ДУШАНБЕ, 6.01.2021 /АМИТ «Ховар»/. Арзиши криптоасъори биткоин бори аввал дар таърихи худ аз 35 ҳазор доллар гузашт. Тавре АМИТ “Ховар” хабар медиҳад, ин нишондиҳанда аз маълумоти портали CoinDesk, ки рӯзи чоршанбеи 6 январ нашр шуд, бармеояд.

То соати 10:00 ба вақти Душанбе, арзиши криптоасъор 12,58% афзуда, ба 35 368,46 доллар расид.

Тавре портал зикр мекунад, танҳо дар моҳи январ биткоин беш аз 20% афзуд, сарфи назар аз он ки  соли 2020 афзоиши он аз 300% гузашт.

3 январ коршиносони Hash CIB пешгӯӣ карданд, ки то охири соли 2021 арзиши криптоасъор метавонад то 100 ҳазор доллар боло равад. Дар ҳамин ҳол, дар Ассотсиатсияи криптоиқтисоди Россия изҳор доштанд, ки нархи 1 биткоин дар семоҳаи сеюми соли 2021 ба 65-75 ҳазор доллар мерасад. Аммо, пас аз болоравии рекордии арзиши он дар охири сол арзиши он якбора то 10-15 ҳазор доллар коҳиш меёбад.

                                         АКС аз REUTERS/Dado Ruvic