Дар Тоҷикистон марҳилаи миллии Олимпиадаи ҷаҳонии роботҳо баргузор мешавад

Январь 13, 2021 09:33

ДУШАНБЕ, 13.01.2021 /АМИТ «Ховар»/. Марҳилаи миллии Олимпиадаи Ҷаҳонии Роботҳо (WRO) дар Тоҷикистон 24 январ бо дастгири ва хамкории Вазорати маориф ва илми Ҷумҳурии Тоҷикистон, Сафорати ИМА ва Маркази Рушди Эчодии Точикистон баргузор мегардад. Дар ин бора аз Лигаи роботҳои Душанбе ба АМИТ “Ховар” хабар доданд.

Тавре дар суҳбат ба мо директори Лигаи мазкур Меҳрон Ортиқов иброз намуд, “Лигаи роботҳои Душанбе дар марҳилаи миллӣ барои иштирокчиён тӯли 28 рӯз омӯзиши ройгон фароҳам овардааст. Дар ин кор мураббиёни байналмилалӣ ширкат меварзанд, ки ба шарофати он кӯдакон метавонанд малакаҳои робототехникии худро такмил дода, сатҳи донишро барои барномаи оянда баланд бардоранд”.

Ҳамчунин номбурда зикр намуд, ки Мактаби байналмилалии робототехникии “Лигаи роботҳои Душанбе” маркази таълимии робототехника ва барномасозӣ мебошад. Олимпиадаи ҷаҳонии роботҳо (WRO) аз соли 2004 инҷониб амал мекунад ва ин озмун барои кӯдакони аз 10 то 21-сола мебошад. Он бори аввал дар Сингапур баргузор шуда буд ва ҳоло дар он беш аз 70 000 кӯдакон аз 75 кишвар ширкат меварзанд.Лигаи мазкур 15 сентябри соли 2018 дар шаҳри Душанбе кушода шуд. Дар тӯли фаъолияти худ Лигаи роботҳо ба муваффақияти назаррас ноил гардид. Дар он мутахассисони ботаҷриба кор мекунанд. Ғайр аз ин, Лигаи роботҳо аллакай тавонистааст дар Олимпиадаи робототехника, ки моҳи октябри соли 2018 дар шаҳри Тошканди Ҷумҳурии Ӯзбекистон баргузор гардид, иштирок карда, миёни 44 даста ҷойи 6-умро  ишғол намояд. Соли 2019 ҷои 3-юмро ишғол намуда, ҳамчунин моҳи январи соли 2020 дар Қазоқистон ҷои намоёнро сазовор  гардиданд.

Соли 2019 барои такмили ихтисос ва омодагӣ ба Олимпиадаи ҷаҳонии робототехника (WRO) ду муаллими Лигаи роботҳои Душанбе ҳамроҳ бо донишҷӯён ва директор ба шаҳри Новосибирск рафтанд. Онҳо дар он ҷо онҳо на танҳо чизҳои нав омӯхтанд, балки бо коршиносони ҷаҳон мубодилаи таҷриба карданд. Баъди бозгашт аз Новосибирск Лигаи роботҳои Душанбе 4 апрели соли 2019 санадеро ба имзо расонид, ки пас аз он Лигаи роботҳои Душанбе  расман ташкилкунандаи миллии Олимпиадаи ҷаҳонии роботҳо дар Тоҷикистон мебошад. Меҳрон Ортиқов ҳадафи асосии Олимпиадаро таҷдиди системаи таълими муҳандисӣ дар Тоҷикистон, афзоиши таваҷҷуҳи насли ҷавон ба фаъолияти илмию техникӣ ва интихоби беҳтарин донишҷӯён барои соҳаи робототехника арзёбӣ намуд.

Январь 13, 2021 09:33

Хабарҳои дигари ин бахш

Сада — ҷашни ҳамкорӣ ва ҳамбастагии мардум. Аҳли заҳмати ноҳияи Муъминобод дар таҷлили ин иди суннатӣ иштирок намуданд
Ба сокинони ноҳияи Шоҳмансур иҷрои талаботи қонунгузории амалкунандаи Ҷумҳурии Тоҷикистон фаҳмонида шуд
ОБУ ҲАВО: Имрӯз дар Тоҷикистон ҳавои тағйирёбанда дар назар аст
IRS: Роҳи мошингарди Душанбе-Чанок кушода буда, вобаста ба зарурат ҳаракати мошинҳои боркаши ядакдор ва «Фура»-ҳо муваққатан маҳдуд мешавад
Ҳавопаймои «Сомон Эйр» бо сабаби боридани барфи зиёд бо таъхир ба Истанбул парвоз кард
ОБУ ҲАВО: Имрӯз дар Тоҷикистон ҳаво абрнок шуда, борон ва барф меборад
Кӯдакони шаҳри Хоруғ бо фаъолияти кормандони шуъбаи Хадамоти оташнишонӣ аз наздик шинос шуданд
Гулпарвар аз ноҳияи Ҷалолиддини Балхӣ дар тӯли 4 сол соҳибкори муваффақ гардид
Дар ҳашари умумишаҳрӣ дар Истаравшан 7,6 тонна партов берун бароварда шуд
ОБУ ҲАВО: Имрӯз дар шаҳри Душанбе ҳаво 17+19 дараҷа гарм мешавад
Дурдасттарин нуқтаҳои Бадахшон бо алоқаи мобилӣ таъмин мегарданд
Фаъолияти ташкилоти ибтидоии ҳизбии «Сайёҳ» натиҷагирӣ карда шуд