Фаъолияти ташкилоти ибтидоии ҳизбии «Сайёҳ» натиҷагирӣ карда шуд
ДУШАНБЕ, 20.01.2021 /АМИТ «Ховар»/. Ташкилоти ибтидоии ҳизбии «Сайёҳ», ки дар Кумитаи рушди сайёҳии назди Ҳукумати Ҷумҳурии Тоҷикистон фаъолият менамояд, дар амалисозии ҳадафҳои созандаи Ҳизби Халқии Демократии Тоҷикистон /ҲХДТ/ нақши муассир мегузорад.
Чунин зикр шуд дар маҷлиси ҷамъбастии ташкилоти мазкур, ки бо иштироки мудири шуъбаи таблиғотии дастгоҳи иҷроияи Ҳизби Халқии Демократии Тоҷикистон Илҳомҷон Ҳомидиён, роҳбарони Кумитаи рушди сайёҳии назди Ҳукумати Ҷумҳурии Тоҷикистон ва аъзои ташкилоти ибтидоии ҳизбии «Сайёҳ» дар Душанбе доир гардид.
Аз Кумитаи рушди сайёҳии назди Ҳукумати ҷумҳурӣ ба АМИТ «Ховар» иттилоъ доданд, ки муовини раиси ташкилоти ибтидоии ҳизбии «Сайёҳ» Ҳабибулло Амирбекзода доир ба фаъолияти ташкилоти ибтидоии «Сайёҳ» дар соли 2020 гузориш дод. Ҳамзамон дар раванди маҷлис вазифаҳо барои соли 2021 муайян ва нақшаи кори ташкилоти ибтидоии ҳизбии «Сайёҳ» барои соли 2021 тасдиқ шуданд.
Мудири шуъбаи таблиғотии дастгоҳи иҷроияти ҲХДТ Илҳомҷон Ҳомидиён аз фаъолияти ташкилоти ибтидоӣ натиҷагирӣ намуда, доир ба ҷалби фаъолон ба узвияти ҲХДТ, тарғиби бештари имконияти сайёҳии кишвар тавассути шабакаҳои иҷтимоии интернетӣ, мақсаду маром ва ҳадафҳои созандаи Ҳизби Халқии Демократии Тоҷикистон ибрози назар намуд.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
