Гулпарвар аз ноҳияи Ҷалолиддини Балхӣ дар тӯли 4 сол соҳибкори муваффақ гардид

Январь 21, 2021 11:05

БОХТАР, 21.01.2021 /АМИТ «Ховар»/. Сокини деҳаи Сомониёни ҷамоати Узуни ноҳияи Ҷалолиддини Балхӣ Мавҷуда Ҳусайнова дар маҳаллаи худ ҳамчун гулпарвари беҳтарин эътироф шудааст. Инак, 4 сол боз вай ҳамроҳи писаронаш Инъомҷон ва Илҳомҷон муваффақона ба растанипарварӣ машғул аст.

Дар се гармхона, ки дар 6 садяки замини наздиҳавлигиш сохта шудаанд, ин оила беш аз 100 ҳазор дона гул парвариш мекунад.

Мавҷуда чанд сол пеш ба Душанбе рафта, барои қитъаи замини назди хонааш гул харида буд. Як қисми гулҳоро шинонд ва боқимондаашро дар бозор фурӯхт. Вай дид, ки талабот ба гул калон аст ва ҳамин тавр тиҷорати худро оғоз кард.

Ба гуфтаи вай, ӯ беш аз 20 навъи гул: садбарг, лола, маргаритка, виола, петуния ва ғайра парвариш мекунад. Гулҳои парваридаи ӯ кӯчаҳои ноҳия, назди биноҳои ташкилоту муассисаҳоро зеб медиҳанд.

Ғайр аз ин, Мавҷуда 15 нафар занони деҳаи Чорбоғи ҷамоати Навободро ба кор ҷалб карда, барои ҳар рӯзи кориашон ба онҳо 30 сомонӣ маош медиҳад.

“Ин занону духтарон аз оилаҳои камбизоатанд ва ба кори доимӣ ниёз доранд. Мутаассифона, ман онҳоро бо кори доимӣ таъмин карда наметавонам, азбаски кори мавсимӣ дорам, мехоҳам қитъаи заминро васеъ намуда, духтарони минтақаро бо тиҷорати муфид ва фоидаовар — гулпарварӣ фаро гирам», — гуфт Мавҷуда Ҳусайнова.

Январь 21, 2021 11:05

Хабарҳои дигари ин бахш

Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид
«ПРЕЗИДЕНТ — КАФИЛИ ДАВЛАТИ ҲУҚУҚБУНЁДУ ДЕМОКРАТӢ». Дар ин мавзуъ конференсияи ҷумҳуриявӣ доир шуд