МУБОРАК БОД! Бо Фармони Президенти Тоҷикистон ба Сардори Хадамоти гумрук рутбаи генерал-лейтенанти хадамоти гумрук дода шуд
ДУШАНБЕ, 22.01.2021 /АМИТ «Ховар»/. Тавре қаблан иттилоъ додем, имрӯз кормандони мақомоти гумруки Тоҷикистон иди касбии худро таҷлил намуданд. Дар робита ба он дар дастгоҳи марказии Хадамоти гумрук маҷлиси тантанавӣ баргузор гардид, ки дар он муовини якуми Сарвазири мамлакат Давлаталӣ Саид, Ёрдамчии Президенти Ҷумҳурии Тоҷикистон оид ба масъалаи кадрҳо Асадулло Раҳмон ва собиқадорони мақомоти гумрук иштирок намуданд.
Муовини якуми Сарвазири мамлакат Давлаталӣ Саид гумрукчиёни кишварро бо ин сана шодбош гуфта, барои барзиёд иҷро намудани нақшаи пардохтҳои гумрукӣ минатдории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба ҳар корманди мақомоти гумрук расонид ва изҳори умед намуд, ки минбаъд низ барои босамар анҷом додани вазифаҳои ба зиммагузошта ҷаҳду талош менамоянд.
Ёрдамчии Президенти мамлакат оид ба масъалаи кадрҳо Асадулло Раҳмон Фармони Президенти Ҷумҳурии Тоҷикистон дар бораи додани рутбаи генерал-лейтенанти хадамоти гумрукро ба сардори Хадамоти гумрук Хуршед Каримзода ба самъи ҳозирин расонд ва Хуршед Каримзодаро бо рутбаи навбатӣ муборакбод намуд.
Бо фармоишҳои сардори Хадамоти гумрук барои иҷрои уҳдадориҳои хизматӣ, интизоми намунавӣ, ноил гардидан ба натиҷаҳои назаррас дар фаъолияти хизматӣ роҳбарият ва кормандони мақомоти гумрук бо мукофот, ифтихорнома, сипосномаву раҳматнома, медали ҷашнии «25-солагии мақомоти гумрук»- и Ҷумҳурии Тоҷикистон ва нишони сарисинагии «Аълочии хадамоти гумрук» қадрдонӣ гардиданд.
Хадамоти гумруки назди Ҳукумати Ҷумурии Тоҷикистон бо донишгоҳҳои олии кишвар, дигар ташкилоту корхонаҳо ҳамкорӣ ба роҳ мондааст.
Ба хотири фаъолияти судманд мудири шуъбаи дастгоҳи Маҷлиси миллӣ ва муаллифи Тафсири Кодекси гумрук, инчунин гурӯҳе аз устодони донишгоҳҳои молия ва иқтисод, тиҷорат ва Донишгоҳи миллии Тоҷикистон низ бо медали «Барои таҳкими ҳамкориҳои гумрукӣ» сарфароз гардонида шуданд.
Ҳамзамон дар ин рӯз маросими савгандёдкунии кормандони ҷавони мақомоти гумрук доир гардид.
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
Ҳамкории тиҷоратию иқтисодии вилоятҳои Суғд ва Ботканд густариш меёбад
Тоҷикистон ва Муғулистон ҳамкориро дар соҳаи ҳифзи муҳити зист тақвият медиҳанд
НИШАСТИ МАТБУОТӢ. Аз ҳисоби андозҳо ва дигар пардохтҳои ҳатмӣ беш аз 17 миллиард сомонӣ ба буҷети давлатӣ ворид гардид
