Намояндаи доимии Тоҷикистон дар Котиботи Созмони Ҳамкории Шанхай дар мулоқоти тиҷоратии «Shanghe Business Connect» дар доираи 20-умин солгарди СҲШ сухан гуфт

Январь 21, 2021 13:02

ДУШАНБЕ, 21.01.2021 /АМИТ «Ховар»/. Дар доираи 20-умин солгарди Созмони Ҳамкории Шанхай (СҲШ) 16 январ нахустин мулоқоти васеи тиҷоратии «Shanghe Business Connect» дар шаҳри Шанхай баргузор гардид. Дар он намояндаи доимии Тоҷикистон дар Котиботи СҲШ Муҳаммади Эгамзод суханронӣ кард, хабар медиҳад АМИТ «Ховар».

Чорабинии мазкурро Yanan Jiutian Technologies Co., Ltd., платформаи ҷавонони SCOLAR Network, дафтари пекинии Маркази муштараки ҳамкории тиҷоратӣ дар назди Котиботи Шӯрои тиҷоратии СҲШ ташкил намуданд.

Ҳадафи ҷаласа- ин барқарор кардани робитаҳо ва табодули таҷриба байни ширкатҳои Чин ва кишварҳои узви СҲШ дар соҳаи тиҷорати электронӣ, зеҳни сунъӣ ва технологияҳои молиявӣ, инчунин эҷоди лоиҳаҳои инноватсионӣ дар соҳаи технологияҳои иттилоотӣ ва иқтисоди рақамӣ мебошад. Дар мулоқот намояндагони мақомоти маҳаллӣ, доираҳои тиҷоратӣ ва инчунин корпусҳои дипломатии кишварҳои узви СҲШ ширкат варзиданд.

Дабири кулли СҲШ Владимир Норов дар паёми видеоии худ зикр кард, ки имрӯз кишварҳои СҲШ муборизаи муштаракро бо пандемияи коронавирус идома медиҳанд, ки дар баробари зарари назаррас ба иқтисодиёт ва саломатии аҳолӣ, раванди табодули рақамиро тақрибан дар ҳама бахшҳои ҳаёти иҷтимоию иқтисодӣ суръат бахшид.

В.Норов аҳамияти рушди иқтисоди рақамӣ ва истифодаи технологияҳои муосири рақамиро зикр намуд. Ба ақидаи ӯ, онҳо метавонанд дар рафъи оқибатҳои манфии пандемияи COVID-19 ва эҷоди манбаъҳои нави рушди иқтисодӣ дар кишварҳои СҲШ нақши ҳалкунанда дошта бошанд. Дар ин замина, дабири кулли СҲШ таваҷҷуҳро ба он ҷалб кард, ки СҲШ бозори азим барои татбиқи лоиҳаҳои муштараки инноватсионӣ дар соҳаи технологияҳои иттилоотӣ ва рақамӣ мебошад.

Дар паёми видеоии худ Котиби иҷроияи Шӯрои тиҷорати СҲШ С.В.Канавский зикр кард, ки рақамисозӣ ҳамчун пайванди калидӣ дар ҳалли мушкилоти тавсеаи ҳамкории судбахши иқтисодӣ дар кишварҳои узви СҲШ ва дар навсозии иқтисодиёти минтақаҳои алоҳида ва корхонаҳои саноатӣ ҷорӣ шуда истодааст. Ба гуфтаи ӯ, ин пеш аз ҳама, барои таъмини рушди устувори иқтисодӣ ва баланд бардоштани рақобатпазирии маҳсулот дар бозори дохилӣ ва ҷаҳонӣ зарур аст.

Намояндагони доимии Қирғизистон, Тоҷикистон ва Покистон дар котиботи СҲШ дар баромадҳои худ иброз доштанд, ки тиҷорати электронӣ дар шароити пандемия ҷузъи ҷудонашавандаи ҳаёти иқтисодӣ шудааст ва кишварҳо ба равандҳои рақамисозӣ аҳамияти калон медиҳанд.

Намояндагони доимӣ зарурати мусоидат ба ҳамкорӣ дар самти рушди ТИК-и пешрафтаи миллӣ, ташкили платформаҳои электронии савдо ва инфрасохтори васеи рақамӣ, инчунин такмили заминаи қонунгузориро зикр намуданд. Дар ин замина, пешниҳод карда шуд, ки соли 2021 дар Душанбе мизи мудаввар оид ба иқтисодиёти рақамӣ, тиҷорати электронӣ ва инноватсия баргузор карда шавад.

Ёдовар мешавем, ки соли 2021 дар СҲШ Ҷумҳурии Тоҷикистон раисӣ мекунад.

 

                                                      АКС аз rus.sectsco.org

Январь 21, 2021 13:02

Хабарҳои дигари ин бахш

Шараф Шерализода бо муовини котиби давлатии Котиботи давлатии Швейтсария оид ба молияи байналмилалӣ мулоқот намуд
Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд
Дар Берлин ҷашни байналмилалии Наврӯзро таҷлил намуданд