РӮЙДОДИ АСТРОНОМИИ НАВ ДАР ОҒОЗИ СОЛИ 2021. Астероиди эҳтимолан хатарнок ба Замин наздик мешавад
ДУШАНБЕ, 12.01.2021 /АМИТ «Ховар»/. 13-14 январ як астероиди хатарнок аз назди Замин мегузарад, ки таҳдиди он ба сайёраи хеле ночиз ва бархӯрдаш ҳам бо он ғайриимкон мебошад. Ин нуктаро Директори Институти астрофизикаи АМИТ Гулчеҳра Қоҳирова дар суҳбат бо хабарнигори АМИТ «Ховар» иброз намуд.
Номбурда афзуд, ки астероиди нав бо номи 2020 WU5 29 ноябри соли 2020 бо ёрии телескопи кайҳонии Неовайз кашф шудааст. Пас аз коркарди аксҳо маълум гардид, ки астероиди нав ба гурӯҳи астероидҳои наздизаминӣ («Аполлон») дохил шуда, бо номи 2020 WU5 дар махзани маълумоти астрономии ҷаҳонӣ қайд гардидааст.
«Мадори ҳисобшудаи астероид нишон медиҳад, ки он ба Замин наздик шуда метавонад,-гуфт директори Институти астрофизикаи АМИТ ва афзуд, ки дар асоси моделсозии ҳаракати астроид солҳои 1900 то 2094 астероид зиёда аз 60 маротиба бо масофаҳои гуногун ба Замин аллакай наздик шудааст ва дар оянда низ наздик хоҳад шуд.
Андозаи ин астероид тахминан 1 км мебошад. Бо назардошти наздикшавӣ ба Замин ва ҳамин андоза ин ҷирми кайҳонӣ ба гурӯҳи астероидҳои эҳтимолан хатарнок ба Замин дохил мешавад.
Гулчеҳра Қоҳирова зикр кард, ки наздикшавии навбатии астероид ба Замин шаби 13 ба 14 январи соли 2021, соати 01:40-и вақти маҳаллӣ ба вуқӯъ меояд. Дар ҳамин лаҳза масофаи байни астероид ва Замин 8.1 миллион километрро ташкил медиҳад. Барои муқоиса, ин масофа аз масофаи байни Замин ва Моҳтоб 20 маротиба зиёд мебошад. Олимон чунин меҳисобанд, ки наздикшавӣ дар чунин масофа бархӯрдро бо Замин ба вучҷуд намеорад. Бинобар ин, таҳдиди астероид ба Замин шаби 13-14 январ хеле ночиз буда, бархӯрди ӯ бо Замин ғайриимкон мебошад. Олимони Институти астрофизикаи Академияи миллии илмҳои Тоҷикистон сайъ доранд, ки ҳаракати астероиди 2020 WU5-ро зери таҳқиқ қарор гиранд. Чунин маълумот барои махзани маълумоти астрономии ҷаҳонӣ хеле зарур мебошанд.
Мавриди зикр аст, ки наздикшавии навбатии астероид ба Замин 11 июли соли 2021 дар масофаи қариб 24 миллион километр ба вуқӯъ меояд.
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
