ТАРЗИ ҲАЁТИ СОЛИМ — ИНТИХОБИ МО! Дар Хатлон боз як майдони варзишӣ ба истифода дода шуд
ДУШАНБЕ, 30.01.2021/АМИТ «Ховар»/. Имрӯз дар ноҳияи Ҷайҳуни вилояти Хатлон майдони варзишӣ барои бозии баскетбол ва волейбол мавриди баҳрабардорӣ қарор дода шуд. Ин майдон ҷузъе аз маҷмааи варзишиест, ки дар боғи марказии фароғати фарҳангии ноҳия аз ҷониби соҳибкори маҳаллӣ Қудратулло Собиров бо сарфи зиёда аз 240 ҳазор сомонӣ сохта ба истифода дода шудааст. Дар он барои машқу тамрини дастаи яккачини духтарони волейболбози ноҳияи Ҷайҳун шароити мусоид фароҳам оварда шудааст. Барои бунёди маҷмааи варзишӣ (майдончаи варзишӣ, ҷойи тамрини гуштигирону боксчиён) ва бо асбоби варзишӣ муҷаҳҳазонидани он наздик ба ним миллион сомонӣ масраф шудааст.
Тавре аз мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд, дар маросими ба истифода додани майдончаи мазкур раиси вилояти Хатлон Қурбон Ҳакимзода иштирок намуда, ба сифати корҳои сохтмонӣ баҳои баланд дода, иқдоми соҳибкорро шоистаи таҳсин хонд.
Ба раиси вилояти Хатлон Қурбон Ҳакимзода соҳибкор Қ. Сабуров иттилоъ дод, ки то ҷашни 30-солагии Истиқлолияти давлатӣ майдончаи варзишӣ болопӯшида хоҳад шуд, ки дар як шабонарӯз то 100 нафар ҷавонон имкон доранд дар иншооти мазкур ба намудҳои гуногуни варзиш, аз ҷумла волейбол, теннис, баскетбол, муштзанӣ, гуштӣ машғул шаванд.
Раиси вилоят Қурбон Ҳакимзода даъват намуд, ки шумораи ҳарчи бештари ҷавонон, аз ҷумла духтарони варзишгар ба машқу тамрин ҷалб карда шаванд. Зеро иншооти мазкур на танҳо барои тарғиби тарзи ҳаёти солим, балки омодасозии чемпионҳои ояндаи вилояту мамлакат аз якчанд намуди варзиш шароити муносибу созгор дорад.
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
