Ёдгор Файзов: Қонун «Дар бораи муроҷиатҳои шахсони воқеӣ ва ҳуқуқӣ» аз ҷониби бархе роҳбарону раисони ноҳияҳои ВМКБ иҷро намегардад

Январь 21, 2021 14:50

ДУШАНБЕ, 21.01.2021 /АМИТ «Ховар»/. Таҳлилҳо иншон медиҳанд, ки Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» ва Дастурамали коргузорӣ бо муроҷиатҳои шаҳрвандон дар дастгоҳи Раиси вилоят ва идораю муассисаҳои Вилояти Мухтори Кӯҳистони Бадахшон аз ҷониби бархе​ роҳбарони​ идораву муассисаҳо ва​ раисони​ ноҳияҳои вилоят иҷро нагардида, дар рӯзҳои қабули шаҳрвандон ба унвони раиси вилоят шикоятҳои зиёд ворид мегарданд. Ин матлабро Раиси ВМКБ Ёдгор Файзов дар машварати ​ васеи назди Раиси ВМКБ бо иштироки  муовинони раиси вилоят, роҳбари дастгоҳ, раисони шаҳри Хоруғ ва ноҳияҳо, роҳбарони идораву муассисаҳои вилоят иброз намуд. Ҳамчунин супориш дод, ки масъалаи мазкур​ таҳти назорати ҷиддӣ қарор​ гирифта, Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ»-ро бо масъулияти баланд иҷро намоянд.

Дар ин бора аз мақомоти иҷроияи ҳокимияти давлатии ВМКБ ба АМИТ “Ховар” хабар доданд.

Ҷамъбасти озмунҳои ҷумҳуриявии​ «Фурӯғи субҳи доноӣ китоб аст» ва​ «Тоҷикистон- Ватани азизи ман» дар соли 2020, ҷараёни иҷрои Қарори Ҳукумати Ҷумҳурии Тоҷикистон дар бораи​ ​ «Барномаи давлатии амалӣ ​ намудани технологияи иттилоотӣ-коммуникатсионӣ дар муассисаҳои​ ​ таҳсилоти умумии​ Ҷумҳурии Тоҷикистон барои​ ​ солҳои​ 2018-2022, омодагӣ ба​ даъвати баҳории ҷавонписарон ба сафи Қувваҳои мусаллаҳи Ҷумҳурии Тоҷикистон​ мутобиқи Қонуни Ҷумҳурии Тоҷикистон дар бораи уҳдадориҳои умумии ҳарбӣ ва хизмати ҳарбӣ ва оид ба риояи Қонуни Ҷумҳурии Тоҷикистон​ “Дар бораи муроҷиатҳои шахсони​ воқеӣ ва ҳуқуқӣ”, дастурамали қонунгузорӣ ва муроҷиатҳои шаҳрвандон ба​ дастгоҳи Раиси ВМКБ​ аз масъалаҳое буданд, ки дар машварати васеи назди раиси Вилояти Мухтори Кӯҳистони Бадахшон ​ мавриди таҳлилу баррасӣ қарор дода шуданд.

Муовини раиси ВМКБ Назира Амирбекзода​ оид ба масъалаи ​ ҷамъбасти озмунҳои ҷумҳуриявӣ дар соли 2020​ дар миқёси ВМКБ​ иброз дошт, ки ба ифтихори таҷлили сазовор аз ҷашни 30-юмин солгарди​ Истиқлоли давлатии Ҷумҳурии Тоҷикистон тибқи Амри Президенти Ҷумҳурии Тоҷикистон муҳтарам Эмомалӣ Раҳмон дар саросари мамалкат​ озмунҳои ҷумҳурияви «Фурӯғи субҳи доноӣ китоб аст» ва​ «Тоҷикистон -Ватани азизи ман» ба хотири​ баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои милливу​ фарҳангӣ, инкишофи қобилияти эҷодӣ, такмили захираи луғавӣ, тақвияти ҷаҳони маънавӣ миёни​ тамоми табақаҳои гуногуни​ кишвар​ ​ ва намояндагони касбу кори гуногун ва ҳамзамон бо мақсади дарёфти истеъдодҳои нави соҳаи санъат, дарёфти беҳтарин намунаҳои оҳанг ва сурудҳои тараннумгари дастовардҳои замони Истиқлоли давлатӣ эълон гардида, ду соли охир дар сатҳи баланд​ баргузор шуда истодаанд.

Раиси ВМКБ Ёдгор Файзов бо изҳори нигаронӣ аз иштироки ғайрифаъоли​ табақаҳои гуногуни​ вилоят дар озмунҳои ҷумҳуриявӣ гуфт, ки​ дар баробари толибилмони муассисаҳои таълимӣ бояд​ донишҷӯёни донишгоҳ, коллеҷи тиббӣ ва аъзои бахши бадахшонии Иттифоқи нависандагони Тоҷикистон низ дар чунин озмунҳо иштирок намуда, маҳорати​ баланди донишандӯзӣ нишон диҳанд.​

​         Ҳамчунин масъалаи омодагӣ ба даъвати баҳории ҷавонписарон ба сафи Қувваҳои мусаллаҳи Ҷумҳурии Тоҷикистон​ дар ҳудуди ВМКБ​ зимни машварати васеъ​ мавриди таҳлил қарор дода шуда​, муовини комиссари ҳарбии вилоят Давлатбеки Абру​ дар ин бора маълумот пешниҳод намуд. Гуфта шуд, ки​ баъди дастуру супоришҳои Пешвои миллат муҳтарам Эмомалӣ Раҳмон давоми се соли охир​ даъвати ҷавонписарон ба сафи Қувваҳои мусаллаҳи мамлакат дар ҳудуди вилоят дар муддати 1 рӯз иҷро гардида, ҷавонписарони ватандӯсту худогоҳи кишвар барои хизмати Ватан-модар​ ихтиёрона ба хизмат  сафарбар гардиданд.​

Раиси ВМКБ​ Ёдгор Файзов роҳбарони шаҳру​ ноҳия ва комиссарони ҳарбиро даъват кард, ки барои​ ​ ​ бо сифати баланд иҷро намудани нақшаи даъвати​ баҳорӣ ба сафи Кувваҳои мусаллаҳи мамлакат аз имрӯз омодагӣ дида,​ анъанаи​ иҷрои нақшаи даъват дар рӯзи аввалро идома диҳанд.

Январь 21, 2021 14:50

Хабарҳои дигари ин бахш

Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид
‎Дар Норак осоишгоҳи Вазорати корҳои дохилӣ ифтитоҳ гардид
АЗ НАСБИ ПАНЕЛҲОИ ОФТОБӢ ТО ЗАХИРАИ СӮЗИШВОРӢ. Муассисаҳои тандурустии Тоҷикистон ба зимистони солҳои 2026–2027 омода мебошанд
Дар Бохтар бахшида ба Иҷлосияи XVI Шурои Олӣ конференсияи ҳизбӣ баргузор шуд
Дар Душанбе Форуми байналмилалии тандурустӣ-2026 баргузор гардид
Ташаббусҳои Тоҷикистон дар соҳаи зеҳни сунъӣ дар Шанхай муаррифӣ карда шуданд
Дар ноҳияи Ёвон бахшида ба Рӯзи Президент ҳамоиши сиёсӣ-фарҳангӣ доир гардид
Ба муносибати 35-солагии муносибатҳои дипломатии Тоҷикистону Чин конфронси байналмилалӣ доир шуд
Дар Тоҷикистон рақамикунонии низоми нафақа тақвият меёбад
Дар Кӯлоб бахшида ба Рӯзи Президент конференсияи илмӣ-амалӣ баргузор шуд