Соли 2021 сохтмони панҷ мактаб дар Тоҷикистон аз ҳисоби Ҳукумати Федератсияи Россия оғоз мегардад

Февраль 12, 2021 14:40

ДУШАНБЕ, 12.02.2021 /АМИТ «Ховар»/. Оғози корҳои сохтмонӣ дар 5 мактаб дар Тоҷикистон, ки аз ҳисоби буҷаи Ҳукумати Федератсияи Россия маблағгузорӣ мешаванд, пас аз мувофиқаи лоиҳаи тарҳи биноҳо дар семоҳаи дуюми соли 2021 ба роҳ монда мешавад. Ин нукта зимни мулоқоти Вазири маориф ва илми Ҷумҳурии Тоҷикистон Муҳаммадюсуф Имомзода ва Вазири маорифи Федератсияи Россия Сергей Квартсов баён гардид.

Тавре аз Вазорати маориф ва илми Ҷумҳурии Тоҷикистон ба АМИТ «Ховар» иттилоъ доданд, мулоқоти мазкур 8-10 феврали соли равон зимни сафари ҳайати гурӯҳи кории Ҳукумати Ҷумҳурии Тоҷикистон ба Россия бо мақсади иштирок дар 17-умин ҷаласаи Комиссияи байниҳукуматӣ оид ба ҳамкории иқтисодӣ миёни Федератсияи Россия ва Ҷумҳурии Тоҷикистон доир гардид.

Дар доираи ин сафар Вазири маориф ва илми Ҷумҳурии Тоҷикистон, узви ҳайати гурӯҳи кории Ҳукумати Ҷумҳурии Тоҷикистон Муҳаммадюсуф Имомзода бо чанд намояндаи Ҳукумати Федератсияи Россия вохӯриву суҳбатҳои корӣ анҷом дод.

Инчунин Вазири маорифи мамлакат бо муовини якуми вазири маорифи Россия Дмитрий Глушко, муовини вазири илм ва таҳсилоти олии Россия Наталя Бачарова, сардори шуъбаи Тоҷикистонии Вазорати корҳои хориҷии Россия Валерий Шибеко мулоқот намуд.

Дар мулоқот бо муовини вазири илм ва таҳсилоти олии Федератсияи Россия Наталя Бачарова  оид ба ҳалли мушкилоти дуҷониба дар робита ба масъалаи пайгирӣ ва ба имзо расонидани Созишнома миёни Ҳукумати Ҷумҳурии Тоҷикистон ва Ҳукумати Федератсияи Россия, баробарарзишии дараҷа ва унвонҳои илмӣ, додани иҷозат барои таҳсили донишҷӯёни тоҷик дар муассисаҳои таҳсилоти олии Федератсияи Россия, зиёд намудани теъдоди квотаҳо барои шаҳрвандони Тоҷикистон ҷиҳати таҳсил дар муассисаҳои таҳсилоти олии Федератсияи Россия табодули назар намуданд.

Зимни мулоқоти доиргардида дар бораи хотимаи расмиёти ба тавозуни ҷониби Тоҷикистон гузаштани муассисаи таҳсилоти миёнаи умумии №7-и шаҳри Кӯлоб низ гуфтугӯ сурат гирифт.

Февраль 12, 2021 14:40

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад