Дар боғоти ноҳияи Бобоҷон Ғафуров барои пешгирии таъсири сардӣ корҳои дудмонӣ ҷараён доранд
ДУШАНБЕ, 26.02.2021 /АМИТ «Ховар»/. Дар боғҳои Ҷамоати деҳоти Исмоил ва «Боғи миллии Ваҳдат»-и ноҳияи Бобоҷон Ғафуров бо тавсияи мутахассисон ҷиҳати пешгирии таъсири сардӣ корҳои дудмонӣ ба роҳ монда шуда, барои эмин нигоҳ доштани дарахтон тадбирҳои зарурӣ амалӣ гашта истодаанд.
АМИТ «Ховар» бо истинод ба мақомоти иҷроияи ҳокимияти давлатии вилояти Суғд иттилоъ медиҳад, ки Раиси вилояти Суғд Раҷаббой Аҳмадзода аз ҷараёни корҳои боғот боздид намуд.
Гармиҳои аввалҳои моҳи феврал боиси бедор шудани табиат ва муғчабандии дарахтон дар минтақаҳои нисбатан гармтари вилоят, аз ҷумла Ашт, Конибодом, Бобоҷон Ғафуров ва Ҷаббор Расулову Спитамен гардид. Аммо чанд рӯзи охир ҳарорати ҳаво дубора паст шуда, эҳтимоли зиён дидани дарахтони мевадиҳанда ба вуҷуд омад.
Дар ин замина бо дастури Раиси вилояти Суғд Раҷаббой Аҳмадзода барои пешгирии таъсири ҳавои сард ба дарахтони мевадиҳанда гурӯҳи корӣ таъсис ёфта, дар боғоти навоҳӣ корҳои биокимиёвӣ ва дудмониро фавран ба роҳ монданд.
Раҷаббой Аҳмадзода ба масъулин ҷиҳати андешидани тадбирҳои фаврӣ баҳри пешгирӣ аз хисорот супоришҳо дода, таъкид кард, ки дар ин шабу рӯз бояд кишоварзон дар ҳамкорӣ бо олимону коршиносон ҷиҳати пешгирии таъсири сардӣ дар боғот ва эмин нигоҳ доштани дарахтон тадбирҳои зарурӣ андешанд.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
