Дар Душанбе ҳамоиши гирандагони Стипендияи Президенти Ҷумҳурии Тоҷикистон барои солҳои 2020-2021 баргузор гардид
ДУШАНБЕ, 11.02.2021 /АМИТ «Ховар»/. Дирӯз дар толори Осорхонаи миллии Тоҷикистон ҳамоиши гирандагони Стипендияи Президенти Ҷумҳурии Тоҷикистон барои солҳои 2020-2021 таҳти унвони «Пайравони Пешвои миллатем!» баргузор гардид. Дар ҳамоиши мазкур зиёда аз 140 нафар гирандагони ин стипендия аз шаҳри Душанбе ва ноҳияҳои тобеи ҷумҳурӣ иштирок намуданд.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, дар ҳамоиш раиси Кумитаи кор бо ҷавонон ва варзиш Абдулло Раҳмонзода, муовини раиси Кумита Дилноза Аҳмадзода, директори Осорхонаи миллии Тоҷикистон Аҳлиддин Ибодуллозода, сардори Раёсати кор бо ҷавонон ва варзиши шаҳри Душанбе Шоҳзод Раҳимзода ва дигар масъулини соҳаи кор бо ҷавонон иштирок намуданд.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода зикр намуд, ки дар заминаи сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сиёсати давлатии кор бо ҷавонон ва варзиш дар меҳвари диққати давлат ва Ҳукумати Ҷумҳурии Тоҷикистон қарор дорад. Маҳз ҳамин ғамхориҳост, ки имрӯз ҷавонон дар самтҳои мухталифи соҳаҳои иқтисодию иҷтимоии кишвар пайваста дастгирӣ меёбанд.
Таъсис ёфтани Стипендияи Президенти Ҷумҳурии Тоҷикистон барои наврасону ҷавонон намунаи олии таваҷҷуҳи Пешвои муаззами миллат муҳтарам Эмомалӣ Раҳмон нисбат ба насли ояндасози мамлакат буда, барои ҳавасманд намудани насли ҷавон ҷиҳати ба таҳсили муносиб фаро гирифтан, ташаккул додани маҳорат ва малакаю истеъдоди онҳо мусоидат менамояд.
«Бояд гуфт, ки шумораи гирандагони Стипендияи Президенти Ҷумҳурии Тоҷикистон ҳоло 400 нафарро ташкил медиҳад. Бо дастури Пешвои муаззами миллат ин шумора аз соли хониши 2021-2022 ба 3 ҳазор нафар расонида шуд, ки ин ҳам ғамхории дигари Роҳбари давлат ба ин қишри ояндадори мамлакат мебошад»,- гуфт номбурда.
Дар ҳамоиш ба ҳар гирандаи стипендияи Президентӣ аз ҷониби раиси Кумита маблағҳои аз Фонди махсуси Президенти Ҷумҳурии Тоҷикистон ҷудогардида тақдим карда шуданд.
Ҳамчунин гирандагони стипендияи Президенти Ҷумҳурии Тоҷикистон бо забонҳои тоҷикӣ, русӣ ва англисӣ сухан гуфта, барои дастгириҳои ин қишри ҷавон изҳори сипос намуданд.
Аз ҷониби гирандагони стипендияи Президентӣ ба Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон бо ҳамовозиву якдилӣ муроҷиатнома қабул гардид.
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
РИОЯИ ФАРҲАНГИ МИЛЛӢ. Дар Донишкадаи давлатии фарҳанг ва санъати Тоҷикистон барои блогерон даври омӯзишӣ гузаронида мешавад
Аз ноҳияи Темурмалик ёдгориҳои нодири мансуб ба асри биринҷ ва давраи Кушониён бозёфт гардиданд
Китоби «Дар ҳавои Мавлоно»-и Раҳмоналӣ Мирализода рӯнамоӣ гардид
Дар Душанбе Рӯзи фарҳанги ноҳияи Дарвоз баргузор гардид
Рӯзи фарҳанги ноҳияи Балҷувон шукуҳманд таҷлил карда шуд
