Дар Осорхонаи миллӣ гӯшаи «Варзишгарони Тоҷикистон» ташкил мегардад
ДУШАНБЕ, 11.02.2021 /АМИТ «Ховар»/. Дар яке аз толорҳои Осорхонаи миллии Тоҷикистон гӯшаи «Варзишгарони Тоҷикистон» ташкил мегардад.
Тавре корманди Осорхонаи миллии Тоҷикистон Шаҳло Абдуллоева ба хабарнигори АМИТ «Ховар» иттилоъ дод, Раёсати муассиса барои ташкили гӯшаи комили намоишӣ аз тамоми варзишгарони ҷумҳурӣ, инчунин наздикону пайвандони варзишгарони номдори ҷумҳурӣ, ки дар қайди ҳаёт нестанд, эҳтиромона хоҳиш менамояд, ки чанде аз туҳфа ва ҷоизаҳои дар мусобиқаҳои варзишии дохил ва хориҷи мамлакат (медал, грамота, ҷом, тӯб ва ғайра) ба дастовардаашонро ба фонди Осорхонаи миллии Тоҷикистон супоранд.
Ба ин восита тамошобинон дар баробари бо таъриху фарҳанги пурғановати ҳалқи тоҷик шинос шудану савияи дониши таърихии худро баланд бардоштан, инчунин метавонанд бо дастовардҳои муҳими соҳаи варзиши ҷумҳурӣ ва варзишгарони номдори мамлакат шинос шаванд. Ҳамзамон бо ифтихор аз ватани соҳибистиқлолу обод ва шахсони номдори он таассуроти хешро доир ба соҳаи варзиши миллати тоҷик қавӣ гардонанд.
Айни замон дар фонди Осорхонаи миллии Тоҷикистон як адад камони зани собиқадору фаъоли ҷумҳурӣ-камонвари номдор Зебунисо Рустамова, инчунин 7 адад мусаввараи офаридаи рассомони номдори ҷумҳурӣ дар мавзӯъҳои мухталифи соҳаи варзиш ва 10 ҷоми варзишӣ бо рақамҳои мушаххаси осорхонавӣ ҳифз мешаванд.
Мавод тибқи муқаррарот қабул гардида, ҳифзи онҳо бо рақами мушаххаси осорхонавӣ кафолат дода мешавад.
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
