Дар Тоҷикистон низоми омори сайёҳии моҳворавӣ — Tourism Satellite Account ҷорӣ мегардад

Февраль 24, 2021 09:10

ДУШАНБЕ, 24.02.2021 /АМИТ «Ховар»/. Кумитаи рушди сайёҳии назди Ҳукумати Ҷумҳурии Тоҷикистон  ҷиҳати такмили омори сайёҳӣ ҳамкориро бо ниҳодҳои байналмилалии молиявӣ тақвият дода, бо кумаки техникии Бонки Осиёии Рушд низоми омори маҳворавӣ- TSA (Tourism Satellite Account) ҷорӣ менамояд. Чунин зикр шуд дар ҳамоише, ки дар шаҳри Душанбе дар мавзӯи такмили омори сайёҳӣ ва роҳандозии низоми омори маҳворавӣ доир гардид.

Низоми мазкур қисми ёридиҳандаи низоми омори миллӣ буда, нишондиҳандаҳои соҳаро дар буриши саҳми соҳаи сайёҳӣ дар Маҷмӯи маҳсулоти дохилӣ, талабот ба саёҳат ва пешниҳоди хизматрасониҳои сайёҳӣ барои муайян намудани саҳми сайёҳӣ дар иқтисодиёти миллӣ фаро мегирад.

Зикр шуд, ки айни замон дар асоси методологияи байналмилалӣ бо ҷалби коршиносони Созмони ҷаҳонии сайёҳии СММ ва ду ташкилоти ҷамъиятии ҷумҳурӣ гузаронидани тадқиқоти омории илман асоснок дар ин самт ба нақша гирифта шудааст. Дар ҳамоиш, ки роҳбарияти Кумита, намояндагони вазорату идораҳои дахлдор, роҳбарони ассотсиатсияҳо ва ширкатҳои сайёҳии ватанӣ ширкат доштанд, зикр шуд, ки дар партави дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати баланд бардоштани сатҳу сифати хизматрасонӣ, ҷалби доимии сайёҳону меҳмонони хориҷӣ ба ҷумҳурӣ дар назди Кумита гурӯҳи кории доимоамалкунанда аз ҳисоби вазорату идораҳои дахлдор таъсис дода шуд, ки вазифаи он мукаммал намудани заминаҳои меъёрии омори сайёҳӣ дар Ҷумҳурии Тоҷикистон мебошад.

Айни замон маълумоти омори соҳаи сайёҳӣ тибқи шакли ҳисоботи омории 4 нуқтаи сарҳадӣ ва методологияи Созмони ҷаҳонии сайёҳӣ оид ба ташрифи шаҳрвандони хориҷӣ аз ҷониби Агентии омор дастрас карда мешавад.

Февраль 24, 2021 09:10

Хабарҳои дигари ин бахш

Дар Тоҷикистон аввалин намоишгоҳ-ярмаркаи «Study in Ukraine» баргузор гардид
Дар Бӯстон ба ифтихори 110-солагии Қаҳрамони Тоҷикистон Мирзо Турсунзода рамзи ҷашнӣ гузошта шуд
26 гурӯҳи сайёҳони амрикоӣ аз Тоҷикистон боздид менамоянд
Жириновский гуфт, ки интиқоди ӯ аз композитсияи «Зани рус» ба матни суруд дахл дорад, на ба миллати овозхон Манижа
«Тасвири об дар асарҳои рассомони Тоҷикистон». Таҳти чунин унвон дар Осорхонаи таъриху кишваршиносии шаҳри Кӯлоб намоиш доир шуд
Дар Тоҷикистон навсозии заминаи моддӣ ва техникии муассисаҳои таълимии омӯзиши ибтидоии касбӣ идома дорад
11 апрел даври ҷамъбастии Озмуни ҷумҳуриявии гулҳо — «Сайри гули лола» бо шукӯҳу шаҳомати хосса таҷлил мешавад
Имсол барои баргузории Озмуни ҷумҳуриявии «Фурӯғи субҳи доноӣ китоб аст» 2 835 000 сомонӣ ҷудо мегардад
«Мисгарӣ — бозгӯи рамзҳо, эътиқод ва анъанаҳои мардумӣ». Таҳти чунин унвон дар Осорхонаи миллии Тоҷикистон намоиш оғоз шуд
Навори видеоии Манижа дар шабакаи «Евровидение» миёни иштирокчиёни соли 2021 аз ҳама бештар машҳур шуд
МУШКИЛОТИ МУАССИСАҲОИ ТАЪЛИМИИ НОҲИЯИ ТОҶИКОБОД. Чаро сохтмони мактаби №6, ки қариб 20 сол пеш оғоз шуда буд, анҷом намеёбад?
«ҶАВОНОНИ ТОҶИКИСТОН» – ФАРОТАР АЗ ЯК РӮЗНОМА. Имрӯз «ҶТ» 91-сола шуд

Маводҳои таҳлилӣ