Дастаи «Истиқлол» бори шашум ғолиби Ҷоми ФФТ-2021 гардид

Февраль 22, 2021 09:00

ДУШАНБЕ, 22.02.2021 /АМИТ  «Ховар»/. 20 феврал бозии финалии Ҷоми ФФТ-2021 миёни дастаҳои футболи  «Хатлон»-и шаҳри Бохтар  ва «Истиқлол»-и шаҳри Душанбе дар Варзишгоҳи марказии ҷумҳуриявии  шаҳри Душанбе дар сатҳи баланд баргузор гардид. Дар ин бозии ҷолиб  дастаи  футболи  «Истиқлол»-и  шаҳри Душанбе   бо ҳисоби 1:0 ғалаба кард. Голи ягонаро дар дақиқаи 90+4 Алексей Ларин ба ҳадаф расонид. Дастаи футболи  «Истиқлол»-и шаҳри  Душанбе бори шашум ғолиби Ҷоми Федератсияи футболи Тоҷикистон  гардид.

Дар ин бора шореҳи варзиши АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Медалҳои биринҷии Ҷоми ФФТ-2021 насиби дастаи футболи  «Регар-ТадАЗ»-и шаҳри Турсунзода  шуданд. Дастаи шаҳри Турсунзода дар бозӣ барои ҷои сеюм  дастаи футболи  «Равшан»-и  шаҳри Кӯлобро бо ҳисоби 2:1 мағлуб намуд. Ҳар ду голи дастаи  ғолибро Диловаршоҳ Ғаниев  ба нишон расонид.

Ёдовар мешавем, ки Ҷоми ФФТ маротибаи даҳум баргузор шуд. Дастаи  футболи  «Истиқлол»-и  шаҳри Душанбе   қаблан солҳои 2014, 2015, 2017, 2018 ва 2019 ғолиби Ҷоми ФФТ шуда буд. Дастаи футболи  «Регар-ТадАЗ»-и шаҳри Турсунзода ду маротиба, дастаи  «Хайр»-и шаҳри Ваҳдат ва дастаи футболи «Кӯктош»-и ноҳияи Рӯдакӣ якмаротибаӣ ҷомро ба даст овардаанд.

Ҳамаи бозиҳои финалии Ҷоми ФФТ (2012-2021):

2012. «Регар-ТадАЗ» (Турсунзода) – «Хайр» (Ваҳдат) – 1:0
2013. «Хайр» (Ваҳдат) – КМВА «Помир» (Душанбе) – 1:1. Пеналтӣ – 6:5
2014. «Истиқлол» (Душанбе) – «Хайр» (Ваҳдат) – 2:0
2015. «Истиқлол» (Душанбе) – «Хайр» (Ваҳдат) – 5:1
2016. «Регар-ТадАЗ» (Турсунзода) – «Хуҷанд» (Хуҷанд) – 1:0
2017. «Истиқлол» (Душанбе) – «Регар-ТадАЗ» (Турсунзода) – 2:1
2018. «Истиқлол» (Душанбе) – «Регар-ТадАЗ» (Турсунзода) – 3:1
2019. «Куктош» (Рӯдакӣ) – «Истиқлол» (Душанбе) – 2:5
2020. «Равшан» (Кӯлоб) – «Кӯктош» (Рӯдакӣ) – 1:2
2021. «Хатлон» (Бохтар) – «Истиқлол» (Душанбе) – 0:1

Февраль 22, 2021 09:00

Хабарҳои дигари ин бахш

Дар Коллеҷи тиббии шаҳри Хоруғ бахшида ба 28-умин солгарди таъсиси Қувваҳои Мусаллаҳ мусобиқаи волейбол баргузор гардид
Дар Бадахшон бахшида ба Рӯзи Қувваҳои Мусаллаҳ байни кормандони мақомоти ҳифзи ҳуқуқ гӯштини миллӣ доир шуд
ФУТБОЛ. Фатҳулло дар Суперлигаи Ҳиндустон нахустин голашро ба нишон расонид
Темур Раҳимов дар мусобиқаи Tel Aviv Grand Slam-2021 ҷои ҳафтумро соҳиб шуд
ФУТБОЛ: Бозии интихобии Чемпионати ҷаҳон-2022 байни дастаҳои мунтахаби Тоҷикистон ва Муғулистон 25 март баргузор мешавад
ҚОИДАҲО ДАР «ДЕҲАИ ОЛИМПӢ»: ОҒӮШГИРӢ ВА ДАСТФИШОНӢ МАНЪ АСТ. Ё худ варзишгарон дар Бозиҳои олимпии Токио-2020 бояд чӣ гуна рафтор кунанд?
Сомон ба даври сеюм роҳ ёфт, вале Беҳрӯз ва Акмал аз идомаи мусобиқаи Tel Aviv Grand Slam-2021 маҳрум шуданд
Давронҷон Эргашев бо дастаи «Бунёдкор»-и Тошканд барои як мавсими дигар шартномаашро тамдид кард
Имрӯз се паҳлавонони маъруфи тоҷик дар мусобиқаи Tel Aviv Grand Slam-2021 бо ҳарифҳояшон рақобат мекунанд
Дастаи мунтахаби футболи Тоҷикистон дар рейтинги навшудаи ФИФА дар мақоми 120-ум қарор гирифт
Дар Душанбе созишномаи шарикӣ дар бораи ҳамкорӣ байни ширкати букмекерии Parimatch ва клуби футболи Истиқлол ба имзо расид
Ду варзишгари тоҷик дар мусобиқаи Федератсияи байналмилалии лижаронӣ иштирок мекунанд

Маводҳои таҳлилӣ