Кӯлоб: Ғолибони Фестивали «Чакомаи гесӯ» дар кошонаҳои ҳусн ба кор ҷалб мегарданд

Февраль 22, 2021 10:00

ДУШАНБЕ, 22.02.2021 /АМИТ «Ховар»/.  Дар Қасри фарҳанги шаҳри Кӯлоб бахшида 30-солагии Истиқлоли давлатии Ҷумҳурии Тоҷикистон ва Солҳои рушди деҳот, сайёҳӣ ва ҳунарҳои мардумӣ  Фестивали «Чакомаи гесӯ»  ва Фестивал-намоиши ҳунарҳои мардумӣ таҳти унвони «Ҳунар беҳтар аз зар бувад» баргузор ва ҷамъбаст гардиданд. Фестивали мазкур се бахшро дар бар гирифта, аз ҷониби иштирокчиён ороиш ва мӯйбофии қадима, ҳунари машшотаҳо ва бо ин васила дар доираи расму оинҳои миллӣ саршӯёну арӯсбаророн, мӯйбофону зулфандозӣ, ҷамолакбандӣ, майдабофӣ (кокул, панҷак, силсила, бадахшӣ, пӯпак, зулф) бо либосҳои маҳал намош дода шуданд.

Тавре аз мақомоти иҷроияи ҳокимияти давлатии шаҳри Кӯлоб ба АМИТ «Ховар» иттилоъ доданд,  дар фестивал масъулин иброз  намуданд, ки дар шаҳру деҳот бунёди кошонаҳои ҳусн ба нақша гирифта шуда, барои дар оянда бо   бо корманд таъмин намудани  онҳо ин фестивалҳо  мусоидат хоҳад намуд.

Дар доираи Фестивал намоиши ҳунарҳои мардумӣ таҳти унвони «Ҳунар беҳтар аз зар бувад» баргузор карда шуд. Дар робита ба он  ярмаркаи ҷойҳои кории холӣ ва вазифаҳои озод гузаронида шуда, ба 10 нафар ҷойи кор ва ба 60 нафар роҳхат барои касбомӯзӣ дода шуд.

Ёдовар мешавем, ки фестивалҳои мазкур дар партави иҷрои ҷадвали баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои солҳои 2019-2021, ки бо Амри Президенти Ҷумҳурии Тоҷикистон аз 13 декабри соли 2018  тасдиқ шудааст, роҳандозӣ гардиданд.

Ҳадаф аз баргузории Фестивали «Чакомаи гесӯ» намоиш, ороишу парвариши мӯй, рӯй, ҳаракати мавзун, муоширати духтарон, намоиши ҳунари волои машшотаҳо ва ба ин васила дар доираи расму оинҳои миллӣ тарғибу ташвиқи анъанаҳои миллӣ, аз қабили саршӯёну мӯйбофон, зулфандозӣ, ҷамолакбандию кокулбофӣ, эҳёи анъанаҳову маросими миллӣ, намоиши ҳунарҳои мардумӣ мебошад. Баргузории ин фестивал имкон медиҳад, ки паҳлӯҳои то ҳанӯз ба ҳамагон норавшани парваришу ороиши мӯй, ҳунари волои машшотагии ин ё он маҳал, санъати асили шонатарошию навъҳои гуногуни мӯйбофию ҷамолакбандӣ, зулфандозӣ мавриди баҳрабардории ҳамагон қарор гиранд ва ҳунари ороишгарону машшотаҳо равнақ ёбад.

Февраль 22, 2021 10:00

Хабарҳои дигари ин бахш

«ХУШБАХТ ҲАМОН ХОНА, КИ МОДАР ДОРАД…». Ба Рӯзи Модар бахшида мешавад
Имрӯз дар Душанбе бахшида ба Рӯзи Модар даври ҷумҳуриявии Фестивали «Чакомаи гесӯ» ҷамъбаст гардид
Дар шаҳри Хуҷанд бахшида ба Рӯзи Модар маҳфили «Ширу шакар» доир шуд
Рӯзи Модар дар вилояти Суғд бо барномаи рангини ҳунарӣ таҷлил гардид
АМИТ «Ховар» муҳлати озмун барои дарёфти хабарнигорон, муҳаррирон ва тарҷумонҳоро то 20 март тамдид намуд
«МАРАВ ҚУИ САФЕДИ МАН …». 144 сол қабл дар Москва бори аввал дар ҷаҳон балети «Кӯли қувон» намоиш ёфт. Баъдтар шоҳкори мусиқии Чайковский дар саҳнаи театри тоҷик низ ба саҳна гузошта шуд
Дар саросари Тоҷикистон тӯли 15 рӯз маҳфили идонаи «Ширу шакар» баргузор мегардад
ҚУЛЛАИ РАҲИМ МАСОВ. Боз як қуллаи дигари Помир тағйири ном кард
Сезин Синаноғлу: СММ барои рушди сайёҳӣ дар Тоҷикистон ҳамкории фарогир ба роҳ мемонад
Бахшида ба Рӯзи Модар аксияи «Фидои дасти дуои модар» доир мегардад
Дар Донишкадаи давлатии фарҳанг ва санъат озмунҳои «Чакомаи гесӯ», «Сад ранги чакан» ва «Кадбонуи беҳтарин» доир шуданд
«Инъикоси дастовардҳои истиқлолият дар матбуоти даврӣ». Таҳти ин унвон дар Китобхонаи миллӣ ҳамоиш доир шуд

Маводҳои таҳлилӣ