Консули генералии Тоҷикистон дар Екатеринбург дар ҳамоиш бахшида ба Президенти нахустини Россия ширкат варзид

ДУШАНБЕ, 01.02.2021. /АМИТ «Ховар»/. Консули генералии Ҷумҳурии Тоҷикистон дар шаҳри Екатеринбург Зафар Сайидзода 1 феврал дар чорабинӣ бахшида ба 90-умин солгарди таваллуди Президенти нахустини Россия Борис Елтсин ширкат варзид.  Дар ин бора ба АМИТ «Ховар» аз Консулгарии генералии Тоҷикистон дар Екатеринбург хабар доданд.

Ин  ҳамоиши  ҷашнӣ бо иштироки Намояндаи ваколатдори Президенти Федератсияи Россия дар Округи федералии Урал Владимир Якушев, Губернатори вилояти Свердловск Евгений Куйвашев, узви Шӯрои Федератсияи Маҷлиси Федералии Федератсияи Россия Аркадий Чернетский,  Раиси Маҷлиси қонунгузории вилояти Свердловск Людмила Бабушкина,   иҷрокунандаи вазифаи  Сарвари  шаҳри Екатеринбург Алексей Орлов, намояндагони корпуси маҳаллии дипломатӣ  сурат гирифт.

Иштирокчиёни чорабинии идона ба пояи муҷассамаи Президенти нахустини Россия Борис Елтсин гул гузоштанд ва намоиши аксҳоро аз бойгонии шахсии ӯ  бо номи «Борис Елтсин. Бо галстук ва бидуни он» бо шавқ тамошо карданд.  Дар намоишгоҳ   аксҳоро  Марина Соколовская – куратори он, мудири шуъбаи экспозиция ва намоишгоҳи Маркази президентии  Борис Елтсин —  шарҳу эзоҳ   дод.