Консули генералии Тоҷикистон дар шаҳри Новосибирск ба шаҳри Красноярск сафари корӣ намуд

Февраль 23, 2021 11:31

ДУШАНБЕ, 23.02. 2021. /АМИТ «Ховар»/. 20-21 феврал Консули генералии Ҷумҳурии Тоҷикистон дар шаҳри Новосибирски Федератсияи Россия Давлатхоҷа Ятим   ба шаҳри Красноярски Федератсияи Россия сафари корӣ анҷом дод.

Тавре хабарнигори махсуси АМИТ «Ховар» дар Федератсияи Россия Садбаргӣ БОҚӢ иттилоъ медиҳад, дар ҷараёни сафар мавсуф бо иҷрокунандаи вазифаи сардори Раёсати робитаҳои берунаи Губернатори кишвари Красноясрк О.А. Тсарева ва роҳбари Намояндагии минтақавии Вазорати корҳои хориҷии Федератсияи Россия дар кишвари Красноярск А.А. Захаров мулоқот намуд. Зимни суҳбат ҷонибҳо таҳкими муносибатҳоро дар соҳаҳои илм, маориф, иқтисод ва фарҳанг байни вилоятҳои Ҷумҳурии Тоҷикистон ва кишвари Красноярск, инчунин масъалаҳои будубош ва баргардонидани муҳоҷирони меҳнатӣ аз Ҷумҳурии Тоҷикистон ба кишвари Красноярскро мавриди баррасӣ қарор доданд.

Ҳамчунин бо Ректори Донишгоҳи давлатии илм ва технологияи Сибир Э.Ш. Акбулатов мулоқот баргузор гардид, ки зимни он масъалаи таҳсили донишҷӯён — шаҳрвандони Ҷумҳурии Тоҷикистон дар Донишгоҳи давлатии илм ва технологияи Сибир ва масъалаи ҷалби довталабон аз Ҷумҳурии Тоҷикистон ҷиҳати таҳсили минбаъда дар донишгоҳи мазкур  мавриди гуфтугӯ қарор гирифт.

Ҳамчунин 21 феврал мулоқоти Консули генералии Ҷумҳурии Тоҷикистон дар шаҳри Новосибирски Федератсияи Россия Давлатхоҷа Ятим   бо шаҳрвандони бурунмарзӣ – роҳбарон ва фаъолони ҷамъиятҳои тоҷикон ва донишҷӯён баргузор гардид. Дар ҷараёни суҳбат зикр шуд, ки бо вуҷуди пешрафтҳо дар самти пешгирию табобати бемории коронавируси нави COVID-19, ҳамоно риояи қоидаҳои беҳдоштӣ ва ҳифзи саломатӣ аз ҳар шахс масъулияти хосса талаб мекунад. Аз ин лиҳоз риояи талабот, ки аз ҷониби соҳаи тандурустии кишвари иқомат пешниҳод мешавад, хеле муҳим мебошад. Ҳамчунин дар идомаи вохӯрӣ  барои аз равияҳои ифротгароиву экстремистӣ дур будани ҷавонон ва  бедории ҳисси миллию дарки хештаншиносӣ маслиҳату машваратҳои судманд  пешниҳод гардиданд.

Баргузории чунин вохӯриву суҳбатҳо ба хотири огоҳии бештар аз шароити кору зиндагии ҳамватанон  аз ҷониби   Консули генералии Ҷумҳурии Тоҷикистон дар шаҳри Новосибирски Федератсияи Россия   дар дигар шаҳру вилоятҳои ҳавзаи федералии Сибир дар назар аст.

Февраль 23, 2021 11:31

Хабарҳои дигари ин бахш

Сироҷиддин Муҳриддин дар ҷаласаи Шурои вазирони корҳои хориҷии давлатҳои аъзои Созмони ҳамкории Шанхай иштирок намуд
Густариши робитаҳои молиявии Тоҷикистон ва Қатар мавриди муҳокима қарор гирифт
Байни мақомоти стандартизатсияи Тоҷикистон ва Узбекистон «Харитаи роҳ» омода карда мешавад
Ҳамкорӣ байни Тоҷикистон ва Узбекистон дар соҳаи таҳсилоти томактабӣ ва миёнаи умумӣ баррасӣ гардид
Сафири Тоҷикистон бо раиси Агентии маълумот ва зеҳни сунъии Арабистони Саудӣ мулоқот намуд
Сафири Тоҷикистон бо роҳбари Институти дипломатии Кувайт ба номи Сауд Ан-Носир Ас-Сабоҳ мулоқот намуд
Хуттали Қадим ба Феҳристи мероси ҷаҳонии ЮНЕСКО ворид гардид
Сироҷиддин Муҳриддин бо роҳбарияти Дафтари Швейтсария оид ба ҳамкорӣ мулоқот намуд
Дар Душанбе Муколамаи сатҳи баланд оид ба сиёсат ва амният байни Иттиҳоди Аврупо ва Осиёи Марказӣ баргузор гашт
Дар Душанбе тавофуқоти ҳосилшуда зимни нахустин Саммити Осиёи Марказӣ ва Иттиҳоди Аврупо баррасӣ гардид
Дар Остона намоиши молу маҳсулоти кишоварзӣ ва саноатии Тоҷикистон баргузор мегардад
Сафири Тоҷикистон бо роҳбарияти Федератсияи палатаҳои тиҷоратии Арабистони Саудӣ мулоқот намуд