Роҳи мошингарди мавзеи Барсеми Ҷамоати деҳоти Сучони ноҳияи Шуғнон навсозӣ мегардад
ДУШАНБЕ, 19.02.2021 /АМИТ «Ховар»/. Мутобиқи Лоиҳаи таҷдиди роҳи мошингард ва бунёди долонҳои зидди тарма роҳи мошингард дар мавзеи Барсеми Ҷамоати деҳоти Сучон дар масофаи 3,5 км ва бо паҳноии 12 метр таҷдиду навсозӣ мегардад. Дар асоси лоиҳаи мазкур бунёди 3 адад долонҳои зидди тарма бо дарозии 670 метр (долони якум – 390 м, долони дуюм 100 м. ва долони сеюм 180м.) ва як пули мошингард бо дарозии 82 метр дар назар дошта шудааст. Ҳамзамон тибқи лоиҳа 4 адад истгоҳ, дар мавзеи маҳалли аҳолинишин равшанкунонии роҳи мошингард ва сабзазоркунии атрофи он бо шинонидани дарахтони ороишӣ ба роҳ монда мешавад.
Дар ин бора аз мақомоти иҷроияи ҳокимияти давлатии ноҳияи Шуғнон ба АМИТ «Ховар» хабар доданд.
Ин лоиҳа 18 феврал дар машварати кории назди раиси ноҳияи Шуғнон Ҷумъа Ҷумъазода бо иштироки масъулини мақомоти иҷроияи ҳокимияти давлатии ноҳия мавриди баррасӣ қарор дода шуд.
Лоиҳаи таҷдиди роҳи мошингард ва бунёди долонҳои зидди тарма дар мавзеи Барсеми ноҳияи Шуғнон дар асоси дастуру супоришҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон роҳандозӣ карда мешавад.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
