Саъдӣ Қодирзода: Дар Тоҷикистон 70 лоиҳаи сармоягузорӣ татбиқ гардида, ба рушди иқтисодиёт мусоидат менамоянд

Февраль 16, 2021 15:00

ДУШАНБЕ, 16.02.2021 /АМИТ «Ховар»/. Ҳоло дар Тоҷикистон дар маҷмӯъ 70 лоиҳаи сармоягузории давлатӣ татбиқ карда мешаванд, ки маблағи умумии он қариб 40 миллиард сомонӣ-  муодил ба 3,53 миллиард доллари амрикоиро ташкил медиҳад.

Раиси Кумитаи давлатии сармоягузорӣ ва идораи амволи  давлатии Ҷумҳурии Тоҷикистон Саъдӣ Қодирзода  дар ҷараёни нишасти матбуотӣ имрӯз дар Душанбе гуфт, ки лоиҳаҳои давлатии сармоягузорӣ дар соҳаҳои энергетика, нақлиёт, маориф, хоҷагии манзилию коммуналӣ, тандурустӣ ва ҳифзи иҷтимоии аҳолӣ, кишоварзӣ, экология ва ҳолатҳои фавқулода, обёрӣ ва дигар соҳаҳо мавриди амал қарор доранд, ки дар  доираи онҳо корҳо дар самти бунёди роҳу пулҳо, таҷдид  ва тармими сохтмони неругоҳҳои барқи обӣ, сохтмон, навсозию муҷаҳҳазгардонии мактабу беморхонаҳо ва дигар иншооти зарурӣ идома доранд.

Зимни натиҷагирӣ аз фаъолияти Кумитаи давлатии сармоягузорӣ ва идораи амволи давлатӣ дар соли сипаригардида Саъдӣ Қодирзода афзуд, ки дар соли 2020 Созишномаи сармоягузорӣ байни Ҳукумати Ҷумҳурии Тоҷикистон ва Ҷамъияти дорои масъулияти маҳдуди «Ғаюр» оид ба сохтмон ва ба истифода додани корхонаи истеҳсоли халтаҳои полипропиленӣ ва «Созишномаи сармоягузорӣ байни Ҳукумати Ҷумҳурии Тоҷикистон ва Ҷамъияти дорои масъулияти маҳдуди «Композит Т.А.» оид ба сохтмон ва истифодабарии корхонаи истеҳсоли қубурҳои шишапластикӣ дар шаҳри Душанбе» ба маблағи беш аз 200 миллион сомонӣ ба имзо расонида шуданд. Дар доираи татбиқи лоиҳаҳои созишномаҳо 200 ҷойи нави корӣ дар мамлакат ташкил карда мешавад.

Инчунин зикр шуд, ки Кумитаи давлатии сармоягузорӣ ва идораи амволи давлатии  Ҷумҳурии Тоҷикистон ҷиҳати татбиқи 7 лоиҳаи сармоягузорӣ бо ширкатҳои ватанию хориҷӣ ҳамкорӣ дорад, ки дар мавриди татбиқи ин лоиҳаҳо беш аз ҳазор ҷойи нави корӣ дар мамлакат таъсис дода мешаванд.

Гуфта шуд, ки дар доираи ин лоиҳаҳо дар минтақаҳои гуногуни ҷумҳурӣ 11 корхонаи бузурги истеҳсолӣ, аз қабили  корхонаҳои истеҳсоли гӯшти чорво ва паранда, истихроҷ ва коркарди маъдан, истеҳсоли қубурҳои шишапластикӣ ва таҷҳизоти барқӣ дар шаҳри Душанбе, истеҳсоли семент, гармхонаи инноватсионӣ барои истеҳсоли сабзавот ва марказҳои тақсимоти яклухт пешбинӣ гардидааст.

Февраль 16, 2021 15:00

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид