Сафири Тоҷикистон Имомуддин Сатторов дар мулоқоти Вазири варзиши Россия бо роҳбарони намояндагиҳои дипломатии кишварҳои ИДМ ширкат варзид
ДУШАНБЕ, 17.02.2021 /АМИТ «Ховар»/. 16 феврал дар Москва Вазири варзиши Федератсияи Россия Олег Матитсин бо роҳбарони намояндагиҳои дипломатии давлатҳои аъзои Иттиҳоди Давлатҳои Мустақил дар Федератсияи Россия мулоқот кард. Дар мулоқот Сафири Фавқулода ва Мухтори Ҷумҳурии Тоҷикистон дар Федератсияи Россия Имомуддин Сатторов ширкат варзид, хабар медиҳад АМИТ «Ховар» бо истинод ба хадамоти матбуоти Кумитаи иҷроияи ИДМ.
Дар соли 30-юмин солгарди ИДМ Россия ҳуқуқи баргузор намудани нахустин Бозиҳои варзишии кишварҳои ИДМ-ро ба даст овард, ки аз 4 то 11 сентябри соли 2021 дар Қазон баргузор хоҳанд шуд. Вазири варзиши Федератсияи Россия бо ҳозирин дар бораи қолабҳои ояндадори ҳамкорӣ дар соҳаи тарбияи ҷисмонӣ ва варзиш дар заминаи Иттиҳоди Давлатҳои Мустақил, инчунин омодагиҳо барои гузаронидани Якумин Бозиҳои кишварҳои ИДМ дар Қазон ва ҳамкории кишварҳои ИДМ оид ба рӯзномаи байналмилалии варзиш суҳбат кард.
Муовини раиси Кумитаи иҷроия Денис Трефилов ба намояндагӣ аз Кумитаи иҷроияи ИДМ ҳозиринро шодбош гуфта, зикр кард: «Кумитаи иҷроия дар саргаҳи пайдоиши ин лоиҳаи нави варзишӣ қарор дошт — омодасозии Низомнома дар бораи Бозиҳо ва ҷиҳати тасдиқ ба Шӯрои сарони ҳукуматҳои ИДМ пешниҳод намудани он бо иштироки бевоситаи мо сурат гирифт. Ва соли гузашта Кумитаи иҷроия, Шӯрои тарбияи ҷисмонӣ ва варзиши кишварҳои узви ИДМ дар якҷоягӣ бо намояндагони Россия барои дар вақти муайяншуда гузаронидани Бозиҳо амалан ҳама корҳоро анҷом доданд. Ба нақшаҳои мо пандемияи коронавирус мудохила кард. Бояд гуфт, ки баргузории Бозиҳо оғози татбиқи амалии Стратегияи ҳамкории Иттиҳод дар соҳаи варзиш дар давраи то соли 2030 мебошад, ки моҳи майи соли гузашта Шӯрои сарони ҳукуматҳо онро тасдиқ карда буд.
Лоиҳаи Нақшаи чорабиниҳо оид ба татбиқи Стратегия таҳия шудааст, ки дар он зиёда аз 100 чорабинӣ ҷиҳати таҳкими тамосҳои зич байни ҷомеаҳои варзишии кишварҳоямон, мубодилаи афкор ва коркардҳои амалӣ ва якчанд мусобиқаҳои байналмилалӣ пешбинӣ шудаанд».
АКСИ хадамоти матбуоти Кумитаи иҷроияи ИДМ
Ҳамкории минтақавии кишварҳои Осиёи Марказӣ ва Эъломияи Хуҷанд дар Маркази Авруосиёи Шурои Атлантик баррасӣ шуд
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
РАВАНДИ ОБИ ДУШАНБЕ: Тоҷикистон ва СММ омодагиро барои баррасии ҷамъбастии Даҳсолаи байналмилалии амал оид ба об дар соли 2028 оғоз намуданд
Намояндаи Африқои Шимолӣ Мпҳепҳу Нндвелени: «Тоҷикистон пешоҳанги ҳалли масъалаҳои обу иқлим дар ҷаҳон аст»
РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
