Шералӣ Кабир: Новобаста аз пандемия дар Тоҷикистон 300 корхонаву коргоҳҳои нави саноатӣ ва 6500 ҷойи нави корӣ таъсис ёфт

Февраль 16, 2021 13:50

ДУШАНБЕ, 16.02.2021 /АМИТ «Ховар»/. Новобаста ба пандемияи COVID-19 соли гузашта дар Тоҷикистон 300 корхонаву коргоҳҳои нави саноатӣ ба истифода дода шуданд, ки дар натиҷа 6500 ҷойи нави корӣ таъсис дода шуд. Ин раванд пайки некест аз татбиқи яке аз ҳадафҳои  стратегии Ҳукумати Ҷумҳурии Тоҷикистон – саноатикунонии  мамлакат.

Вазири саноат ва  технологияҳои нави Ҷумҳурии Тоҷикистон Шералӣ Кабир  имрӯз дар нишасти матбуотӣ ба намояндагони расонаҳои хабарӣ гуфт, ки аз ҳисоби корхонаҳои нав  ба маблағи 1,5 миллиард сомонӣ маҳсулот  истеҳсол гардид, ки он 4,8 фоизи маҷмӯи маҳсулоти истеҳсолшудаи  саноатиро ташкил медиҳад.

Аз корхонаҳои нави саноатие, ки соли сипаригардида ба фаъолият оғоз намуданд, 39 ададаш дар вилояти Суғд, 37 адад дар вилояти Хатлон, 33 корхона дар шаҳри Душанбе, 20 корхона дар навоҳии тобеи ҷумҳурӣ ва 13 корхона дар Бадахшон ба истифода дода шуданд, ки дар натиҷа қариб 2200 нафар бо ҷойи нави корӣ  таъмин гардиданд. Аз ин омор  868 нафар ба шаҳри Душанбе, 584 нафар ба вилояти Суғд, 363 нафар ба вилояти Хатлон, 189 нафар ба навоҳии тобеи марказ ва 144 нафар ба Бадахшон рост меоянд.

Шералӣ Кабир зикр кард, ки соли 2020 барои таъсиси истеҳсолоти нав, воридоти таҷҳизоти нави  технологӣ ва васеъгардонии фондҳои истеҳсолӣ дар соҳаҳои саноат  6 миллиарду 411 миллион сомонӣ ё маблағҳои дохилии корхонаҳо равона  карда шудаанд, ки дар қиёс нисбат ба соли 2019 қариб 300 миллион сомонӣ зиёд мебошад.

Танҳо дар соҳаи  истихроҷи канданиҳои фоиданок ва  коркард ба маблағи 1 миллиарду 180 миллион сомонӣ, дар соҳаи истеҳсол ва тақсимоти неруи барқ, газ  ва об ба маблағи 5 миллиарду 231,1 миллион сомонӣ техника ва  таҷҳизоти нави технологӣ ворид гардидаанд.

Февраль 16, 2021 13:50

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад